ముసలి వాడని అంట వేమిరా

 శీర్షిక: *ముసలి వాడని అంటవేమిరా*

ముసలి వాడని అంటవేమిరా  ఓ నరుడా .."2"
ముసలి ముసలి వాడని 
పిలువబోకుమురా ఓ మానవుడా...."2"
ముసలి తనం లేని జీవి యేడరా
రేపు నీవు ముసలివాడివవుతావని తెలుసుకోరా!

ముసలి వారని ఎవరినీ తీసి పారేయకురా
వారిని కరివేపాకులా ఏరి పారేయకురా
మరీ మసిగుడ్డలా తీసిపారేయకురా
ముసలి వారనీ హేళన చేయకురా
పండు ముసలివారని తోసి పారేయకురా! "ముసలి"

ప్రకృతి ధర్మమే ముసలి తనంరా
జీవితంలో భాగమే ముసలి తనంరా
ముసలి తనం అనుభవాల గనిరా
ముసలి తనం జ్ఞాపకాల సౌధంరా
ముసలి తనం విజ్ఞాన భాండాగారంరా
ముసలి తనం లేని జీవితమే వ్యర్థంరా! "ముసలి"

ఆరోగ్య వంతులకే ఉంటుంది ముసలి తనంరా
ఆయుష్షు మంతులకే వస్తుంది ముసలి తనంరా
పుణ్యాత్ములకే వరం ముసలి తనంరా
యోగాత్ములకే భాగ్యం ముసలి తనంరా! "ముసలి"

ముసలి వారికి సేవ చేయని నీ కొంప
అది దయ్యాల కొంపని గ్రహించరా
ముసలి వారు నివసించని నీ బంగ్లా
అది బూతు బంగ్లాయని తెలుసుకోరా ! "ముసలి"

వృద్ధులతో పిల్లలు ఆడుకోవాలిరా
వృద్ధులతో పిల్లలు పాడుకోవాలిరా
వృద్ధులతో కథలు చెప్పించుకోవాలిరా
వృద్ధులను నిత్యం సేవించాలిరా! "ముసలి"

వృద్ధులను ఎల్లప్పుడు ఆదరించరా
వృద్ధులనుండి అనుభవాలు నేర్చుకోరా
వృద్ధుల బాధలను పంచుకోరా
మరుజన్మ లేకుండ మోక్షం పొందరా! "ముసలి"