అంశం: అన్వేషణ
శీర్శిక: *వెతుకులాట*
శిశువు జననం నుండి మరణం వరకు
నిత్యం అనుక్షణం వెతుకులాడు
అన్వేషణ ఒక జీవన విధానం
అనుకున్నది సాధించే వరకు వెతుకులాట!
పసి వయసులో పాల కొరకు
బాల్యంలో ఆటలు పాటల కొరకు
కౌమార్యంలో చదువు కొరకు
యవ్వనంలో ఉద్యోగం పెళ్లికి వెతుకులాట!
అటుపిమ్మట సంతానం సంపాదన
ఆహారం ఆహార్యం ఆనందాలు
కార్లు గృహాలు భూములు సంపదలు
పిల్లల చదువుల కోసం వెతుకులాట!
ఆ తరువాత అందమైన ఉద్యోగమైన
సంపద కలిగిన గౌరవ మర్యాదలు గల
వరుల కొరకు కోడళ్ళ కొరకు
దేశమంతా ప్రపంచమంతా వెతుకులాట!
వృద్ధాప్యంలో పేరు ప్రతిష్ఠలు
గౌరవ మర్యాదలు గుర్తింపు కొరకు
ఆరోగ్య సంరక్షణ కొరకు
అలా కాటికి వెళ్ళే వరకు వెతుకులాటే!
No comments:
Post a Comment