సంకల్పం

అంశం: సంకల్పం

శీర్శిక: *సంకల్ప బలం ఉంటే విజయం తధ్యం*

*సంకల్పం సగం విజయం* అంటారు పెద్దలు
టెన్సింగ్ నార్కేలా ఎవరెస్ట్ శిఖరం
అధిరోహించాలన్నా
ఆర్కిమెడిస్ లా *ఆర్కిమెడిస్ సూత్రం*
కనుగొనాలన్నా
న్యూటన్ లా *గురుత్వాకర్షణ సిద్ధాంతం*
కనుగొనాలన్నా
అబ్దుల్ కలామ్ లా *మిస్సైల్స్*
కనుగొనాలన్నా
ముందుగా సంకల్ప బలం కావాలి!

ఏదైనా సాధించాలనే  *పట్టుదల*
విజయం సాధించాలనే  *దృడనిశ్చయం*
ఏదేని కార్యం నెరవేర్చాలనే  *సాహాసం*
ఆ పనిని అనుకున్న సమయంలో
పూర్తి చేయాలన్న తపననే  *సంకల్పం!*

మనిషి  లక్ష్యం లేకుండా
తపన లేకుండా సంకల్పం లేకుండా
ఏ పనిని సంపూర్ణం చేయలేడు
ఏ విజయం సాధించలేడు
ఏ లక్ష్యాన్ని చేరుకోలేడు

సంకల్పం ఒకటే ఉంటే సరిపోతుందా?
సంకల్పంతో అన్నీ సాధ్యమవుతాయా?
సంకల్పంతో సకాలంలో పనులు పూర్తయితాయా?
కాదు లేదు అనే సమాధానం వస్తుంది!

సంకల్పంతో పాటు క్రమశిక్షణ ఉండాలి
విషయ పరిజ్ఞానం పరిచయాలు కావాలి
నిరంతర సాధన చేయాలి
సహనముండాలి సమయమివ్వాలి

ఎవరు ఒప్పుకున్నా ఒప్పుకోక పోయినా 

అదృష్టం గ్రహ బలం పరిస్థితులు 

తోడు అవ్వాలి 

సాధించేవరకు తగిన ఆర్ధిక శక్తి ఉండాలి 
సాధ్యమయ్యే వాటిపైననే సంకల్పం చేయాలి
సూర్యుడిని పడమటన ఉదయింపజేస్తా
పంచభూతాలను స్తంభింపచేస్తా
ఆకాశాన్ని చుట్టిపెడుతా అంటే కుదరదు
అవి జరగని పనులు
సాధ్యమయ్యే పనులకు సంకల్పం ఉంటే
విజయం తధ్యం!