ముసలి ముసలి వాడని అంటవేమిరా

 శీర్షిక: *ముసలి ముసలివాడని అంటవేమిరా*

ముసలి ముసలి వాడని
అంటవేమిరా  ఓ నరుడా ........"2"
ముసలి ముసలి వాడని
పిలువబోకురా ఓ మానవుడా...."2"
ముసలి తనం లేని జీవి ఉండదురా
రేపు నీవూ ముసలివవుతావని గ్రహించురా!

ముసలి వారని తీసి పారేయకురా
కరివేపాకని ఏరి పారేయకురా
మసిగుడ్డని తీసిపారేయకురా
ముసలి వారని హేళన చేయకురా
పండు మసలివారని తోసి పారేయకురా! "ముసలి"

ప్రకృతి ధర్మమే ముసలి తనంరా
జీవితంలో భాగమే ముసలి తనంరా
ముసలి తనం అనుభవాల గనిరా
ముసలి తనం జ్ఞాపకాల సౌధంరా
ముసలి తనం విజ్ఞాన భాండాగారంరా
ముసలి తనం లేని జీవితమే వ్యర్థంరా! "ముసలి"

ఆరోగ్య వంతులకే ఉంటుంది ముసలి తనంరా
ఆయుష్షు మంతులకే వస్తుంది ముసలి తనంరా
పుణ్యాత్ములకే అదృష్టం ముసలి తనంరా
యోగాత్ములకే భాగ్యం ముసలి తనంరా! "ముసలి"

ముసలి వారికి సేవ చేయని నీ కొంప
అది దయ్యాల కొంపని గ్రహించురా
ముసలి వారు నివసించని నీ బంగ్లా
అది బూతు బంగ్లాయని తెలుసుకోరా ! "ముసలి"

వృద్ధులతో పిల్లలు ఆడుకోవాలిరా
వృద్ధులతో పిల్లలు పాడుకోవాలిరా
వృద్ధులతో కథలు చెప్పించుకోవాలిరా
వృద్ధులను నిత్యం సేవించాలిరా! "ముసలి"

వృద్ధులను ఆదరించరా
వృద్ధులనుండి అనుభవాలు నేర్చుకోరా
వృద్ధుల బాధలను పంచుకోరా
మరుజన్మ లేకుండ మోక్షం పొందరా! "ముసలి"