ఉక్కిరిబిక్కిరి

అంశం: ఉక్కిరిబిక్కిరి

శీర్షిక: *అంతా మెకానికల్ టెక్నికల్ కదా!*

అవి అందమైన బావులు
చూడ ముచ్చటగా ఉంటాయి
పదుల కిలోమీటర్ల లోతులో ఉంటాయి
చుట్టూరా సెక్యూరిటీ సిబ్బంది ఉంటుంది

కొత్తగూడెం ఫాయింక్లైన్ మణుగూరు
సింగరేణి గోదావరి ఖని మందమర్రి
అందమైన బావులకు తావులు
వేలాది మంది కార్మికులు పనిచేస్తారు

ఉదయం పగలు సాయంత్రం
తలకు హెల్మెట్ లైట్ కాళ్ళకు బూట్లు
చేతిలో పనిముట్లు పట్టుకుని
చక్కగా మూడు షిఫ్టుల్లో దిగుతారు

బావులలోకి దిగాక గనులను
దూరంగాఉండి బాంబులు పెట్టి పేల్చుతారు
పడిన గనుల వద్దకు పిట్టలను పంపిస్తారు
పిట్టలు ప్రాణంతో తిరిగి వస్తే
కోట్ల విలువ చేసే నల్ల బంగారాన్ని
టబ్ ల్లోకి ఎక్కించి పైకి పంపిస్తారు
ఒక్కోసారి ఆక్సీజన్ అందక ఊపిరి ఆడక
*ఉక్కిరిబిక్కిరై*  కార్మికులు చనిపోతారు

బావుల్లో కి గాలిని పంపిస్తారు
లోపల ఊరే వేడి నీటిని పైకి తోడేస్తారు
విద్యుత్తు సరఫరా ఉంటుంది
ఎన్ని జాగ్రత్తలు తీసుకున్నా అంతా
మెకానికల్ టెక్నికల్ కదా!