నిత్యం పోరాటమే

నేటి అంశం: *నిత్యం పోరాటమే*

శీర్షిక: *తప్పవు ఏ మనిషికైనా!*

అంతా సృష్టి మయం
సృష్టి రహస్యం తెలుసుకోవడం ఎవరి తరం
పాటించాలి ఎవరైనా సృష్టి ధర్మం
లేదంటే తప్పదు దండనం!

సృష్టి కర్త ప్రతి మూగ జీవికి
ఆహారంగా ఏదో ఒకటి పెట్టాడు
గ్రద్దలకు పాములను  పాములకు కప్పలను
కప్పలకు కీటకాలను  కీటకాలకు మరొకటి!

ఇక మనిషికి మాటలను తెలివిని
వివేకాన్ని ఇచ్చి సృష్టించాడు
దేనికి పరిమితులు విధించ లేదు
కానీ చేసిన కర్మలకు ఫలితం
అనుభవించక తప్పదు అన్నాడు

చివరి మాటలు అర్ధం కాకనో
లేక సృష్టి కర్త చూస్తున్నాడా అనో
లేక అందరూ చేస్తున్నారు కదా అనో
భుక్తి కోసం ముక్తి కోసం విముక్తి కోసం
నిత్యం పోరాటం చేస్తూనే ఉంటాడు

తప్పటడుగులు వేస్తూనే ఉంటాడు!

జననం నుండి మరణం వరకు
ఏదో ఒక పోరాటం చేస్తూనే ఉంటాడు
పాల కొరకు ఆటల కొరకు పాటల కొరకు
చదువు ఉద్యోగం వివాహం పిల్లలు
కార్లు బంగ్లాలు లగ్జరీ జీవితం కొరకు
మల్లీ పిల్లల చదువులు ఉద్యోగాలు
వారి వివాహాలు సంపదలు
కూడ బెట్టడాలు భూములు కొనుగోలు
తల్లిదండ్రుల పోషణ కర్మకాండలు
ఆపదలు అనారోగ్యాలు
అన్నదమ్ముల అక్కా చెల్లెళ్ల తో
ఆస్తుల పంపకాల తగాదాలు
రాజకీయ పదవులు హోదాలు
ఇలా నిత్యం ఏదో ఒక రకమైన పోరాటంతో
మనిషి సతమతమవుతుంటాడు
నిజాయితీగా జీవిస్తే కొన్ని పోరాటాలు
అవినీతితో జీవిస్తే మరిన్ని పోరాటాలు
*తప్పవు ఏ మనిషికైనా!*