రాజ్యాంగ రక్షణ P

అంశం: ప్రజా స్వామ్య ప్రతిధ్వని

శీర్శిక: *రాజ్యాంగ రక్షణ*

*పైన పటారం లోన లొటారం* అన్నట్లుగా
పేరుకే ప్రజాస్వామ్యం లోన అంతా 

అవినీతి నేతల భాగ స్వామ్యమే!

ఆదర్శమైన ప్రజాస్వామ్య దేశం భారతదేశం
ప్రపంచంలోనే అతి పెద్ద రాజ్యాంగంగల దేశం
జనాభాలో రెండవ అతి పెద్ద దేశం
సంస్కృతి సాంప్రదాయాలకు నిలువెత్తు అద్దం!

భిన్నత్వంలో ఏకత్వంలా
విభిన్న మతాలు అనేక కులాలు భాషలు
ఎన్నోరకాల సంస్కృతి సాంప్రదాయాలతో
కలిసి మెలసి అన్యోన్యంగా జీవిస్తారు!

నేడు భారత దేశంలో ప్రజాస్వామ్యం
రోజు రోజుకు అపహాస్యం పాలవుతుంది
అప్రజాస్వామ్యం చాపకింద నీరులా
క్రమ క్రమేణా దేశమంతా విస్తరిస్తుంది!

లౌకిక రాజ్యమైన ప్రజాస్వామ్య  దేశంలో
రాజ్యాంగ వ్యవస్థలు చట్టాలు ఉన్నాయి
రక్షక భటుల యంత్రాంగం ఉంది
కానీ, యంత్రాంగాన్ని నడిపించే సమర్ధులు 

నీతి నిజాయితీ గలవారు కరువయ్యారు 

చట్టాలు ధనవంతుల చుట్టాలుగా
రక్షక భటులు నేతలకు రక్షకులుగా మారారు
*నేడు దుడ్టున్నోడిదే బర్రె*
*ధనం ఉన్నోడే గుణవంతుడైన నట్లుగా*

 నడుస్తుంది వ్యవస్థ!

రాజ్యాంగంలో అన్ని మతాలు కులాలు
జాతులు అందరూ సమానమే 

అయినా వాస్తవంలో మతాలను 

కులాలను బట్టే సంక్షేమ పథకాలు అమలు 

ఓటు బ్యాంకు రాజకీయాలతో 
భూస్వాములైననూ భూకబ్జా దారులైనా

నేతలు పెన్షన్లు పొందుతున్నా 
పన్నులలో  మినహాయింపులు 

భూస్వాములకు రైతు బంధు పధకాలు 
ధనికులైనా సంక్షేమ పథకాలు రిజర్వేషన్లు!

పౌరుడికి ప్రశ్నించే స్వేచ్ఛ లేదు 

నిజాయితీగా ఓటు వేసే స్వేచ్ఛ లేదు
పనిచేసే స్వేచ్ఛ  జీవించే స్వేచ్ఛ లేదు

ఓటుకు నోటు పంచే వారిని 

అవినీతి పరులను 

తప్పుడు అఫిడవిట్లు సమర్పించే వారిని

జైలు నుండి పోటీ చేసే నిందితులను 

పండు వృద్ధులను అనర్హుల చేసే

యంత్రాంగం దేశంలో లేదు 

అందుకే 
ధనవంతులు మరింతగా ధనవంతులుగాను 
పేద వారు మరింత పేదలవుతున్నారు

బ్రతుకు దెరువు లేక కడుపు నింపుకోడానికి

భార్యా పిల్లల పోషించుకోడానికి 

ఉచితాలపై ఆశ పడుతున్నారు 

ఉచితాలను ఆశించకుండా 
యువతలో ప్రశ్నించే శక్తి పెరుగినను
ప్రజాస్వామ్యానికి పునరుజ్జీవనం జరుగుతుంది 
*ప్రతి ఐదేళ్లకు ఒకసారి రాష్ట్రపతి పాలన*
*రాష్ట్రాలలో దేశంలో విధిస్తే* 

రాజ్యాంగ రక్షణ జరుగుతుంది 
దేశంలో అవినీతి పాలన అంతం 

ఆరంభం అవుతుంది