సైబర్ క్రైమ్ /నైతిక హాకింగ్

అంశం: సైబర్ క్రైమ్

శీర్షిక: *నైతిక హాకింగ్*

*అతి తెలివి కొంపకు చేటు* అన్నట్లు
మనిషి అతిగా విద్య సాంకేతిక పరిజ్ఞానం
అలవర్చుకుని సులభంగా తేలికగా
డబ్బు సంపాదించడం కొరకూ విలాసాలలో
తేలియాడేందుకు మొగ్గు చూపుతున్నారు
సోషల్ మీడియా అవకాశాలు ఒక కారణమైతే
సాఫ్ట్వేర్ ఉద్యోగాలు ఊడుతుండడం
మరొక కారణం కావచ్చు

నేడు నైతిక హాకింగ్ కోచింగ్ సెంటర్లు
కోకొల్లలుగా విస్తరించి ఉన్నాయి
గూగుల్ సెర్చ్ చేసినా హాకింగ్ విధానం
సులువుగా దొరికే కలియుగం ఇది

*వినాశకాలమే విపరీత బుద్ధి* అని
తెలుసుకోలేక పోతున్నాడు మనిషి
ఎదుటివారు ఎంత దుఃఖిస్తారో
పట్టింపులేదు డబ్బు సంపాదించడమే
గొప్ప అనుకుంటున్నారు మూర్ఖులు
కర్మయోగం ఉందనేది మరిచి పోతున్నారు

రకరకాల ఆప్ ల ద్వారా స్కైప్ ల ద్వారా
వివిధ రకాల సాఫ్ట్వేర్ లింక్ లు
మొబైల్లకు లాప్ టాప్ లకు పంపి
సులభంగా సునాయాసంగా తెలివిగా
క్షణాలలో కోట్లాది రూపాయలను
బ్యాంక్ అకౌంట్ల నుండి కొల్లగొడుతున్నారు

కొన్ని చరవాణి సంఖ్యలను ఎత్తగానే
ఫోన్లు హాక్ అవుతాయి
హాక్ అవగానే చరవాణి లోని డాటా మొత్తం
డౌన్లోడ్ చేసుకుంటారు

సామభేదదాన దండోపాయాల ద్వారా
ఫోన్లు చేసి భయపెట్టి వారితోనే
వారి డబ్బులనే అకౌంట్లకు ట్రాన్స్ఫర్
చేయించుకో గలుగు తున్నాంటే 

ప్రతి ఒక్కరూ ఆలోచించాల్సిన విషయం!

డిజిటల్ మీడియా అభివృద్ధి చెందడం
సాంకేతిక విజ్ఞానం తారా స్తాయికి చేరడం
సంతకాలు లేకుండానే అన్ని రకాల
అకౌంట్లను తెరువగలుగడం మార్చగల్గడం
మూయగల్గడం డబ్బు ట్రాన్స్ఫర్ గల్గడం
డబ్బు తీసుకో గల్గడం వలన
నేడు సైబర్ క్రైమ్ నేరగాళ్లకు సులువైంది

సైబర్ క్రైమ్ నేరస్తులకు కావాల్సినవి పుట్టిన తేదీ
పేరు ఆధార్ సంఖ్య, చరవాణి సంఖ్య
ఇవి ఇప్పుడు సులభంగా తేలికగా
లభ్యమగును నెచటనైనా
చరవాణి హాకింగ్ ద్వారా ఓటిపి
కృత్రిమ మేధస్సు ద్వారా పిన్ సంఖ్య
తెలుసుకో గలుగు తున్నారు
మధ్యం సేవించే వాడు ఎలాగైనా
దొరుకబడుతాడు బార్ షాప్ ఎక్కడో

ఇప్పుడు ప్రజలు చేయాల్సింది ఒక్కటే
ఎలాంటి లింక్ లను క్లిక్ చేయకూడదు
తెలియని చరవాణి సంఖ్యలను ఎత్తవద్దు
ఎవరికి ఓటిపి పిన్ ఆధార్ సంఖ్యలను
బ్యాంక్ వివరాలను ఎవరికి చెప్ప కూడదు
ఏ బ్యాంకు కె.వై.సీ కి గానీ మరి దేనికైననూ
ఫోన్ చేసి వివరాలు అడుగదు
తెలియని స్పామ్ సంఖ్యలను బ్లాక్ చేయాలి

ప్రతిరోజూ కొత్త కొత్త పద్దతులలో
మోసాలకు తెగబడుతున్నారు
చరవాణి సర్వీస్ అందించు వారు
ప్రభుత్వాలు తగిన చర్యలు తీసుకోవాలి
మోసగాళ్ళను కఠినంగా శిక్షించాలి
పౌరులు ఇతర ప్రజలను బాధితులను
ప్రతినిత్యం అలెర్ట్ చేస్తూనే ఉండాలి
*ముక్కున్నంత కాలం పడిశం తప్పదు*