వినుడు రామ చరిత విజ్ఞులార

అంశం: అయోధ్య బాల రాముడు

శీర్షిక: అయోధ్య రాముని ప్రాణ ప్రతిష్ట
(ప్రక్రియ: ఆట వెలది పద్యాలు)

ఆ.వె:1
ధశరత తనయుండు దయగల రాముండు
విద్య లెన్నొ నేర్చె వినయముగను
తల్లిదండ్రులవలె ధర్మము పాటించె
వినుడు రామ చరిత విజ్ఞులార!

ఆ.వె:2
ఎంత వాడు నైన యెంత కీర్తిగడించ
కాంత మాటనేల కాన కుండు
అడవి నంపె తండ్రి నభిరాముడినికను
వినుడు రామ చరిత విజ్ఞులార!

ఆ.వె:3
రామ రామ యంటు రామున్ని వేడ్కొన
సకల ఫలములిచ్చు శాంత రామ
కోరు కోర్కె దీర్చు కోదండ రాముండు
వినుడు రామ చరిత విజ్ఞులార!

ఆ.వె:4
నలుగురి మదిలోన పలుచనైనంకను
ఎంత వేద మెరిగి నేమి ఫలము
రావణుండు చచ్చె రాముడి చేతిలో
వినుడు రామ చరిత విజ్ఞులార!

ఆ.వె: 5
ఎన్నొ బాధ లెరిగి యెంతొ పేరును గాంచి
అయిదు వందలేండ్లలిగె నయోధ్య
మోడి వలన నేడు వీడె రామ చరలన్
వినుడు రామ చరిత విజ్ఞులార!