ఏరువాక గీతాలు

అంశం: ఏరువాక గీతాలు 

శీర్షిక: *నల్లనల్లని మబ్బులతో నైఋతి వర్షాలు*

పల్లవి:
నల్ల నల్లని మబ్బులతో నైఋతి వర్షాలు
అందివచ్చే కాలం  వారం ముందురోజులు
పులకరించి పోయే పుడమి పండువెన్నెలవోలే
పరవసించిరి రైతన్నలు పగలు రేయి అనక  "నల్ల"

చరణం:01
జేష్ట పౌర్ణమిరోజు చిత్తముతో రైతులును 
వృషభములన్నింటి వృక్షములను
హలముల పూజించి ఆనంద మొందేను
ఏరువాక  వర్షాలు యేర్లు పారు.              "నల్ల"

చరణం:02
చిన్నచిన్నగ నిల చిరుజల్లులుకురువగా
నెఱ్రెలు బాసిన నేల నిండగా 
ఆరుద్ర పురుగులు యవనిలో తిరుగగా
తరువు కొమ్మల నీరు ధరణి చేరె.               "నల్ల"

చరణం:03
తొలకరి సంబరం తొలుతరైతులకేను
వివిదరకములైన  విత్తనములను
నాగలి పనిముట్ల నచ్చిన విధముగను
సరిచేసి సమకూర్చి  సాగి పోయేను.              "నల్ల"

చరణం;04
దారు లన్నియు బురుదలో  దాగి పోయె
దుక్కి దున్ని రైతన్నచదునగ జేసి
పొలములోమడి కట్టియు పోసె నారు
తొలకరి వసంత మెల్లయు తోడు నిలిచె.       "నల్ల"