తెలుగు గజల్

అంశం: తెలుగు గజల్
4+4+4+4+4+4

మదిలో మెదిలే ఆశల ఊహల రూపం నీవే 
కలలో నిత్యం వచ్చే దృశ్యపు మధురం నీవే 

సుందర వదనపు వెచ్చని మెరుపుల బాణం నీవే 
సంధ్య వేళన వీణను మీటే కవనం నీవే

చిరుగాలి చల్లగ తనువుకు తగిలే  తరుణం నీవే 
జోరుగ ఝరిలా చెవులను తాకే శబ్ధం నీవే 

కన్నుల  బొమ్మల తిప్పే మన్మధ ధీరుడు నీవే 
గొప్పగ మదిలో మెదిలే సుందర బంధం నీవే

గులాబి పువ్వుల పరిమళ వాసన గంధం నీవే 
నిండుగ ఒదిగిన పరువపు మనసుక అందం నీవే 

అద్దము నందున గగనపు మబ్బుల స్వప్నం నీవే 
మదిలో వలపుల అలుకల భావపు చందం నీవే 

*కృష్ణా!* నీవే మధురం కలలో స్వప్నం నీవే 
బృందా వనంలొ చూసే సుమధుర హృదయం నీవే

 _ మార్గం కృష్ణ మూర్తి