బృందావనం

శీర్షిక: *బృందావనం*

ఆహా! ఏమీ ఆ పచ్చని బృందావనం
అందచందాల నందన వనం
కృష్ణుడు గోపికలతో సేద తీరిన
మైసూర్ బృందావనం ఇదియే కాబోలు!

కృష్ణుడి పాదాలు నొప్పి కలుగకుండా
సుందరంగా తీర్చి దిద్దిన పచ్చిక బయళ్ళు
తలపైనా భానుడి కిరణాలు సోకకుండా
పచ్చని పందిర్లు అక్కడక్కడా లతల ముంగురులు!

కావేరీ నది ఒడ్డున నిర్మించిన
క్రిష్ణ రాజ సాగర్ డామ్ ఆవలివైపులా
ఉన్నట్లుగా కనువిందు చేస్తున్నవి పచ్చని తోరణాలు!

స్వేచ్చగా ఎగిరే శ్వేత పావురాలు పూల మొక్కలు
పచ్చని చెట్ల లతలతో అల్లుకు పోయిన పందిళ్ళు
సాయంకాలం వేళ గోపికలతో కృష్ణుడు
సేద తీర  తీర్చిదిద్దిన సుతి మెత్తని ఆసనాలు
తీయని గానాన్ని ఆస్వాదించ సౌండ్ బాక్సులు!

మనుషులకు ప్రశాంతతను యిచ్చే
మనసులకు ఉల్లాసాన్ని ఉత్సాహాన్నిచ్చే
పచ్చని తరువులు పచ్చని లతల పందిళ్ళు
శ్వేత పావురాలు కనువిందు దృశ్యాలు
సృష్టి ఎంత విచిత్రం ప్రకృతి ఎంత మధురం!