శీర్షిక: ఆషాఢమాసం విశిష్టత
సీస మాళిక:
మాసములందున మహినవిశిష్టత
గొప్పనైన నెలగ మెప్పు పొంది
విశ్వాన జనులకు విశ్వాసమున్నట్టి
ఆషాఢమాసము నరుదయినది
వర్షాల వలననే వరదలు పొంగేను
అంటురోగములెన్నొ నంటుకొనును
నూతన వధువులు మాతపితలజేరు
బోనాల పండుగ బూరెగారె
పిండితో వంటలు మెండుగ వండేరు
మౌనంగ జేసేరు బోనములను
జలముతో రైతుకు పొలమందు పండుగ
చక్కని ధాన్యము సరస ధరలు
పూరీ రథముయాత్ర పుడమిలో యాషాడ
మాసమందు జరుగు మధురముగను!
ఆ.వె:01
కాకతీయులపుడు కాకతీ దేవిని
పూజ చేసి వరము పొందె ననిరి
అంటురోగముళ్ళు నంటకుండనపుడు
బోనములను జేసె పురము నందు!
ఆ.వె:02
గోలుకొండ లోన గొప్పగ బోనము
మొదట యెత్తి జనులు ముదము నొందు
పిదప భక్తు లంత కదముదొక్కుతునేమి
జరుపు నుత్సవములు జయము గలుగ!
- మార్గం కృష్ణ మూర్తి
హైదరాబాద్
No comments:
Post a Comment