శీర్షిక: *లౌక్యం అంటే?*
మనిషి బ్రతకడానికి తింటున్నాడా
తినడానికి బ్రతుకుతున్నాడా అంటే
తినడానికే బ్రతుకుతున్నాడు
కానీ బ్రతకడానికే తింటున్నాడంటారు
అదే లౌక్యం అంటే!
కవులు రచయితలు అవినీతి గురించి
అక్రమాల గురించి వ్రాస్తారు
రవి గాంచని చోటు కవి గాంచునంటారు
విమర్శకులు జనులు అవినీతి పరులను
థూథూ అంటారు తూర్పార బడుతారు
డబ్బుతో పలుకుబడితో చట్టాల కళ్ళుగప్పిన
అదే అవినీతి పరులు జ్ఞాపికలిస్తే
శాలువాలు కప్పుతే నవ్వుతూ పొగుడుతారు
అదే లౌక్యం అంటే!
ఇక్కడ ప్రతిపక్షాలు పాలక పక్షాన్ని
ప్రశ్నిస్తుంటారు ఘాటుగా విమర్శిస్తుంటారు
విమర్శించే వారు కూడబెట్టుకోలేరు
అనే భావన సమాజంలో ఉంది
కానీ వారే ఎక్కువ సంపాదిస్తున్నారు
అదే లౌక్యం అంటే!
ఒక పురుషుడి అభివృద్ధి వెనుక
ఒక స్త్రీ హస్త ముందుంటారు
పొగుడుతుంటారు ఆకాశం పైకి ఎత్తుతారు
కానీ అదే ఒక పురుషుడి పతనం వెనుక
నిజంగానే ఒక స్త్రీ ఉంటుందంటే ఒప్పు కోరు
ఎందుకంటే సమాజంలో గుర్తింపు పోతుందని
అదే లౌక్యం అంటే!
ప్రపంచంలో కొన్ని దేశాల అధినేతలు
నోటితో శాంతి ప్రవచనాలు పలుకుతారు
నొసలుతో యుద్ధాలను ప్రేరేపిస్తారు
గ్లోబల్ శాంతి బహుమతి కొరకు డబ్బు ఎరవేస్తారు
అదే లౌక్యం అంటే!