మనిషిని నడిపించేవి కర్మలు

అంశం:దిశ దశ

శీర్శిక: *మనిషిని నడిపించేవి కర్మలు*

*దిశ వేరు దశ వేరు రెండింటి కుండు*
*అవినాభావ సంబంధం మెండు*

దిశలే దిక్కులు దిక్కులే దిశలు
తూర్పు పడమర ఉత్తరం దక్షిణం దిశలు
ఈశాన్యం ఆగ్నేయం నైఋతి వాయువ్యం
*దిశలు* మార్గాలను దారులను చూపుతే!

*దశలు* కాలాన్ని చూపుతాయి
ఆరంభ దశ లేదా ప్రారంభ దశ
అంతిమ దశ లేదా చివరి దశ
మహార్దశ అంతర్దశ వృద్ధాప్య దశ
తొలి దశ మలి దశ బాల్య దశ
దశలు అనేవి సమయాన్ని సూచిస్తాయి!

ఇక  దిశ ముందా దశ ముందా
దిశకు దశ చుక్కానా
లేక దశకు దిశ చుక్కానా అంటే
*కోడి ముందా కోడి గుడ్డు ముందా*
అన్నట్లుగానే ఉంటుంది చెప్పడం కష్టం!

ఒక రాజకీయ నాయకుడితో సాన్నిహిత్యం
వలన దశ మారిపోయింది అంటారు
అప్పుడు దిశ ముందు ఉంటుంది
పలానా యాగం చేస్తే నీ దశ మారుతుంది
అన్నప్పుడు దశ ముందవుతుంది!

జ్యోతిష్యశాస్త్రం ప్రకారం గ్రహ దశలు
అనుకూలంగా ఉన్నట్లయితే
ఆ వ్యక్తి ఆ దిశగా ప్రయత్నం చేస్తే
విజయం సుగమం కావచ్చు!

మనిషి పుట్టుకతోనే శని దశ కుజ దశ
రవి రాహువు కేతువు దశలు మొదలైన
వారు ఎన్ని ప్రయత్నాలు చేసినా ఫలితాలు
ఆయా దశల కాలంలో అంతంత మాత్రమే!

అనుకూల గ్రహ దశలు వచ్చినప్పుడు
దిశను మార్చుకుని ప్రయత్నం చేయడం ఉత్తమం
కొన్ని పూర్వజన్మ సుకృతాలుంటాయి
బిల్ గేట్స్ ముఖేష్ అంబానీ నారాయణ మూర్తి
సంతానం పుట్టుకతోనే కుబేరులు
ఏది ఏమైనా సంచిత ప్రారబ్ధ ఆగామి కర్మలనుసారమే అన్నీ జరుగుతుంటాయి!