రెప్ప పాటు కాలమే మనిషి జీవితం

అంశం: *నిత్యం పరులపై ఏడవకు నవ్వుతూ జీవించు*

శీర్షిక: *రెప్ప పాటు కాలమే మనిషి జీవితం*

చెట్టంత పెరిగినా నేలన పడాల్సిందే 

గుట్టంత సంపద సంపాదించినా వదిలి పోవాల్సిందే!

కన్ను మూస్తే మరణం కన్ను తెరిస్తే జననం
రెప్ప పాటు  కాలమే మనిషి జీవితం
నీటి బుడగ వంటిది మానవ ప్రాణం
ఎవరి ఆయుష్షు ఎంతో తెలియదు సత్యం!

అత్యంత సున్నితమైన జీవితమనీ
మరెంతో విలువైన ప్రాణమనీ తెలిసియూ

మనిషి ఈర్ష్య అసూయలు కక్షలు
కార్పణ్యాలు పగలు పంతాలు పట్టింపులతో! 

ఇగోలు అహాలు ఆవేశాలతో  

అహంభావాలతో సతమత మవుతూ

నిత్యం ఏదో ఒక సంఘర్షణతో బాధ పడుతూ
అశాంతి అసహనంతో జీవిస్తుండటం మూర్ఖం!

మనిషిలో ఈర్ష్యా ద్వేషాలు అహాలు 

అహంభావాలకు మూలం ఆశలు కోరికలు 

ఎదుగుదలకు ప్రతిబంధకాలు అరిషడ్వర్గాలు

వాటిని అధిగమిస్తేనే విజయాలు!

సృష్టిలోని ఎనుబది నాలుగు లక్షల జీవరాశులలో
పరమోత్కృష్టమైనది మానవ జీవితం
ఇంతటి గొప్ప మానవ జీవితాన్ని
సద్వినియోగ పరుచుకోవడం జ్ఞానం 

నిత్యం పరులపై పడి ఏడ్వడం హీనం!

నిజాయితీ నిస్వార్ధం మౌనం మానవత్వం 
మనసును ప్రశాంతంగా సంతోషంగా నుంచు 
ఆరోగ్యంగాన్ని ఇచ్చు ఆయుష్షును పెంచు

ఉన్నతంగా ఆలోచిస్తూ గౌరవంగా జీవించు!