గృహ హింస నాడు -నేడుP

కవితార్చన : నాడు-నేడు

శీర్శిక: *గృహ హింస నాడు - నేడు*

*యత్ర నార్యస్తు పూజ్యంతే,రమంతే తత్ర దేవతాః*
ఎక్కడైతే స్త్రీలు గౌరవింపబడుతారో
అక్కడ దేవతలు కొలువై ఉంటారు
అనేది భారతీయ సంస్కృతి సంప్రదాయం
అదే నేటికీ అనుసరిస్తున్న నియమం!

నాడు:
"స్త్రీకి స్త్రీ యే శత్రువు అన్నట్లు"
ఒక తరంలో అత్త మరో తరానికి కోడలు
ఒక తరంలో కోడలు మరో తరానికి అత్త
పురుషులు ఎప్పుడూ నిమిత్త మాత్రులే!

అమ్మ అమ్మమ్మ నానమ్మ అక్కా చెల్లెలు
వదిన మరదలు అనే స్త్రీల వల్లనే
నాడు భర్త అభం శుభం తెలియని
మరొక స్త్రీని అనేక విధాలుగా
చిత్ర హింసలు పెట్టే వారు

ఒంటరి కుటుంబాలు పెరగడం 
సమాజం ప్రభావం  పరువు ప్రతిష్టలు
ఇగోలు పంతాలు పట్టింపులు
వంటింటి కుందేలు అవడం
స్త్రీ పురుషుల ఆరోగ్య మానసిక పరిస్థితులు
గ్రహాల కారణంగా స్త్రీల హార్మోన్ల ప్రభావం
పూర్వ కర్మలు ఆర్ధిక పరిస్థితులు మరెన్నో!

నాడు అలా అధికంగా స్త్రీలే
గృహ హింసకు గురయ్యేవారు
అబలలుగా వారి వారి తల్లిదండ్రులకు
మాట రాకుండా చూడటానికి
కుటుంబ పరువు ప్రతిష్టలను కాపాడడానికి
ఆచారాలు సంప్రదాయాలు పాటించి
గృహహింసను భరించేవారు!

నేడు కాలం తారుమారు
గృహ హింస స్త్రీలకు తగ్గి
పురుషులకు పెరుగుతుండే
కుటుంబ పరువు దరువు కాపాడుకోడానికి
బయటకు చెప్పుకోలేక కక్కలేక మ్రింగలేక
మానసికంగా శారీరకంగా కృంగి పోతుండే
కోర్టుల చుట్టూ తిరుగుతూ
వొల్లు గుల్ల ఇల్లు గుల్లా చేసుకుంటూ
ఆత్మ హత్యలు చేసుకోవడమో చేస్తుండే!

అందుకు కారణాలు సమాజంలో
పురుషులనగానే తప్పువారిదనే భావన
స్త్రీల పై సానుభూతి ఉండటం
రిజర్వేషన్లు చట్టాలు స్త్రీలకు సంపూర్ణం
స్త్రీలు ఉద్యోగాలు చేసి డబ్బు సంపాదించడం
సాధికారత సహజీవనం పెరగడం 
బస్సుల్లో ఉచితాలు పెరగడం
మహిళా సంఘాలు ఉండటం
మరెన్నో అనేక సానుకూల కారణాలు
నేడు పురుషులకు గృహ హింస తప్పకుండే
ఏదైనా పెరుగుట విరుగుట కొరకే!