మాట మనసుకు సూచిక

*1*మొక్కై వంగనిది మానై వంగునా*

*2*మనిషికి మాటే అలంకారం*

శీర్షిక: *మాట మనసుకు సూచిక*

ప్రతి మనిషి జీవితంలో పెళ్ళి అనేది తప్పనిసరి
అది ప్రేమ వివాహమైనా పెద్దలు కుదిర్చినా
కళ్యాణం అయినాక కలిసి జీవించే టప్పుడు
భార్యా భర్తలు అన్యోన్యంగా ఉంటూనే!

ఒక సంవత్సర కాలం ఒకరినొకరు
అర్ధం చేసుకోవాలి గానీ
ఒకరికొకరు అలుసయి పోకూడదు
ఇది నూతన దంపతులు ప్రతోఒక్కరూ
గుర్తు పెట్టుకోవాల్సిన జీవిత సత్యం!

మొక్కగా ఉన్నప్పుడే నియంత్రణలో ఉండాలి
ఒకరినొకరు అర్ధం చేసుకోవడానికే ప్రయత్నించాలి
అలాకాకుండా పాత సంఘటనలు నెమరువేసుకుంటూ
అలుసై పోకూడదు
స్థితప్రజ్ఞత లేకుండా అలా చేస్తే
ఎదుటి వారు ఏకుమేకై కూర్చుంటారు

ఒక్క సంవత్సరం అలుసిస్తే 

జీవిత కాలం నరకం అనుభవించాల్సి వస్తుంది 

అందుకే అంటారు *మొక్కై వంగనిది మానై వంగునా* అని

*పురుషుడు ఒక స్త్రీ ని అర్ధం చేసుకోవడానికి*
*నూరు సంవత్సరాలు పడితే*
*స్త్రీ పురుషుడిని అర్ధం చేసుకోడానికి*
*గట్టిగా ఒకే ఒక్క రోజు చాలు*
అందుకే పురుషులారా జాగ్రత్త!

బలాలు బలహీనతలు అనేవి ప్రతి ఒక్కరికీ ఉంటాయి
కానీ ఎప్పుడూ బలహీనతలను  మరొకరితో పంచుకోకూడదు
దీని వలన ప్రయోజనం ఉంటే నష్టమే అధికం

మాట్లాడే టప్పుడు ప్రేమగా మాట్లాడు కోవాలి
భార్యా భర్తలు నవ్వుతూ మాట్లాడుకోవాలి
అందుకే  *మనిషికి మాటే అలంకారం*
అనే సామెత వాడుకలోకి వచ్చింది!

మాట మనసు లోని మాధుర్యాన్ని తెలియజేస్తుంది
అందం ఆహార్యం లాంటి భాహ్య సౌందర్యం కన్నా
ఆత్మ సౌందర్యం వెలకట్టలేనిది, గొప్ప నైనది
అది మాటల ద్వారానే తెలుస్తుంది.
మాటల ద్వారానే మనసులోని భావనలు, నీతి నిజాయితీ, అరిషడ్వర్గాలు 

కృష్ణుడి నోటిలో స్వర్గంలా స్పష్టంగా తెలుస్తాయి 
*మాట ముఖం మనసుకు సూచిక*