జీవిత సత్యాలు

అంశం: పదాలు కవిత

(అంత రంగం, హృదయం, కల్లోలం,
అంతం , వీడ్కోలు, తుది వాక్యం)

శీర్షిక : *జీవిత సత్యాలు*

ప్రియా! అందమైన రోజు ఇది
ఆహ్లాదకరమైన వాతావరణం
అద్భుతమైన సుముహూర్తం
ఆనందకర డోలికలలో మనం

పంచభూతాల సాక్షిగా
మనమదిలలో కలిగిన ఆలోచనలకు
మన ప్రేమకు చిహ్నంగా
అర్పిస్తున్నాను నా  *హృదయం*

నా *ఆంత రంగం* లోని ఆలోచన ఒకటే
నాకు నీవు తోడు నీడగా ఉండాలని
నీకు నేను తోడు నీడగా ఉండాలని
కలకాలం జీవితం హాయిగా సాగిపోవాలనీ
అష్ట దిక్పాలకులను వేడుకుందాం

కష్టాలను సుఖాలను బాధలను ఆనందాలను
కలిసి పంచుకుందాం కడదాకా
ఒకరంటే ఒకరికి ప్రేమతో  గౌరవంతో
రతీదేవి మన్మధుడిలా విహరిద్దాం

నామనసులోని అలజడి , *కల్లోలం*
ఇప్పుడే *అంతం* అయిందని భావిస్తున్నాను
ఇక మన మనసుల్లోని సంశయాలకు
*వీడ్కోలు* పలుకుదాం

భార్యా భర్తల "సుఖమయ" జీవితానికి
ఖర్చు లేని పెట్టుబడి "నమ్మకం"
క్షయం లేనిది "ఒకరినొకరు అర్ధం చేసుకోవడం"
ఉచితమైనది "దాపరికం" లేకుండా గడపడం
విలువైనది "సర్దుబాటు గుణం" కలిగి ఉండటం
 
ప్రియా! మన ఆనందమయ జీవితానికి
ఇవే నా *తుది వాక్యాలు*
ఇవే జీవిత సత్యాలు రాధా!