మనిషి ఆశలు కోరికల పుట్ట

అంశం: *ఆశ- కోరిక *


శీర్శిక: *మనిషి ఆశలు కోరికల పుట్ట*

ప్రతి మనిషి ఆశా జీవి
ఆశ మనిషికి శ్వాస ఆశ మనిషికి ద్యాస
ఆశ లేకుండా జగతిలో అభివృద్ధి శూన్యం
ఆశలు పొర్లుతుండు నిరంతరం మనిషిలో!

ఎంత డబ్బు ఉన్నా ఎంత సంపద ఉన్నా
ఎన్ని ఆభరణాలు ఎన్ని కార్లు బంగ్లాలు
ఎన్ని భూములు ధాన్య రాశులు ఉన్నా
ఇంకా కావాలి అనే కోరిక మిగిలే ఉంటుంది!

ఎండిన భూములు బీడు భూములే అయినా
అందులో పంటలు పండవనీ తెలిసినా
వాటిల్లో పుట్ల కొలది పంటలు పండించాలి
అనే ఆశ శ్వాస ఉన్నంత వరకూ ఉంటుంది!

ఎండిపోయిన భూమిలో పొంగి పొర్లే ఆశలంటే
ఎండిన మోడు చిగురించాలని ఆశ
కొక్కుకోడి గుడ్లు పెట్టాలన్ప ఆశ
ఎండిన బావిలో నీళ్ళు తోడాలన్న ఆశ
మోనోపాజ్ లో ఉన్న భార్య
పిల్లలు కనాలని ఆశ లాంటిదే!

మనిషి ఆశలు కోరికల పుట్ట
వాటిని సాధిండంలో మహా దిట్ట
కాటికి వెళ్ళే వరకు వేయడు అడ్డు కట్ట
వాటికి తోడు  అరిషడ్వర్గాలైన కామ క్రోధ
లోభ మోహ మద మాత్సర్యాలు స్వార్ధం
ఈర్ష్య అసూయ అహాలు వెన్నంటే ఉంటాయి!