ప్రజా క్షేమం

అంశం: ప్రజా హితం

శీర్శిక: *ప్రజా క్షేమం*

*దేశంలో ప్రతి పౌరుడు ప్రజాహిత కారుడే*

సృష్టి కర్త కర్మ బ్రహ్మ , కీటకాలను కప్పలకు
కప్పలను పాములకు, పాములను గ్రద్దలకు
ముంగీసలకు, నెమలులకు ఆహారంగా పెట్టాడు
కానీ మనుషులను మనుషులకు
ఆహారంగా పెట్టలేదు!

అందుకే ప్రతి మనిషి తోటి మనిషికి
మేలు చేసే వాడే
ప్రజా సేవకు ఉపయోగపడే వారందరూ
ప్రజా హితకారులే!

పసి పిల్లలు ముస్సలి వారిని మినహాయిస్తే
నాయకులు సంఘసంస్కర్తలు
సైనికులు శాస్త్ర వేత్తలు వైద్యులు
గురువులు కవులు కళాకారులు ప్రవచకులు
కార్మికులు అందరూ *ప్రజా క్షేమం* కోరే వారే!

చిత్తు కాగితాలు ఏరుకునే వారు
ప్లాస్టిక్ డబ్బాలు ఏరుకునే వారు
వీధులు ఊడ్చే వారు మోరీలు తీయువారు
పాములను పట్టే వారు అందరూ హితకారులే
వారు వారి జీవనోపాధి కొరకు చేసినను
అందులో సమాజ శ్రేయస్సు ఉంది

ఇంకా లోతుగా ఆలోచిస్తే
పశుపక్ష్యాదులు క్రిమి కీటకాలు
ప్రకృతి పంచభూతాలు అన్నీ ప్రజా హితకారులే!

యితే ఏ పని చేసినా ఏ సేవ చేసినా
తాము చేసే ప్రతి పనిలో  ప్రతి సేవలో
నీతి నిజాయితీ స్వచ్చత ఉండాలి
అది నిస్వార్థంతో కూడినదై ఉండాలి
మోసం పాపం నేరం దోషం ఉండకూడదు
సమాజ శ్రేయస్సుకై ప్రజా హితమై ఉండాలి!

అప్పుడే వారిపై నమ్మకం ఏర్పడుతుంది
ఎనలేని గుర్తింపు గొప్ప గౌరవం దక్కుతుంది
కీర్తి ప్రతిష్టలు అవార్డులు రివార్డులు వస్తాయి
చరిత్ర పుటల్లో వారికో పేజీని ఏర్పరుచుకొని
స్థిర స్థాయిగా  నిలిచిపోతారు!