అంశం: వేదవ్యాసుడు
శీర్షిక: వ్యాస మహర్షి
సీ.ప:
భారతమురచించె భారమనక తాను
వేద విభజనతో వినతికెక్కె
ఆషాఢ మాసమ్ము యానందము కురువ
పూర్ణమి రోజున పుడమి తల్లి
పులకరించునటుల పుట్టెను వ్యాసుడు
నిండు పౌర్ణమి రోజు వెలుగు నిండె
గురుపూర్ణిమ దినము గురువునుపూజించ
జ్ఞానము పొందేరు ధన్యముగను!
ఆ.వె:
మత్స్య గంధి తాను మాన్యపరాశర
వలన కలిగి నట్టి వ్యాసుడతడు
జన్మతోడ వెడలె జపముజేయ నదికి
కృష్ణ మాట వినుము తృష్ణ దీర!
ఆ.వె:
వేద ధర్మములను వివరముగదెలిపె
జనులకతడు నాడు చక్కగాను
కార్యము నెరవేర్చె గౌరవములపొందె
కృష్ణ మాట వినుము తృష్ణ దీర!
No comments:
Post a Comment