అంశం: శ్రీ సీతారామ కళ్యాణం
శీర్షిక: *శ్రీ సీతారాముల కళ్యాణం*
తరువుల లేత కొమ్మలు చిగురించు వేళ
చిరు జల్లులు కురుయు శుభ వేళ
కోకిలలు కుహుకుహూ అంటూ కూయగ
చైత్ర శుక్ల పక్ష నవమి రోజున వచ్చు
శ్రీ సీతారాముల కళ్యాణం కమనీయం
కనిన వినిన స్మరించిన జీవితం ధన్యం!
దశరధ కౌసల్య ముద్దుల తనయుడు
కోదండ రాముడు స్వయంవరంలో
శివ ధనుస్సు నెక్కుపెట్టగ సంతసించే జానకి
రఘురాముడిని వరించే పూలమాలతో!
నింగి నుండి దేవతలు కుసుమాలు కురిపించ
ఋషులు రాజులు పురజనుల హర్షధ్వానాలు
వేద మంత్రాలతో మంగళ వాయిద్యాల నడుమ
శ్రీ సీతారాముల పరిణయం శోభాయమానం!
ప్రతి యేటా చైత్ర శుక్ల నవమి రోజున
శ్రీ సీతారాముల కళ్యాణోత్సవం భద్రాద్రిలోనూ
ప్రతి గుడిలోనూ వైభవోపేతంగా జరిపేరు
తెలంగాణ నుండి ముఖ్యమంత్రి గారు
భద్రాచలం శ్రీ సీతారాముల వారికి
పట్టువస్త్రాలు ముత్యాల తలంబ్రాలు
సమర్పించడం ఒక ఆనవాయితీ!