దివ్వెల దీపావళి

అంశం:- *దివ్వెల పండుగ దీపావళి*

శీర్షిక:- *దీపావళి విజయానికి ప్రతీక*
*భారతీయుల సంస్కృతి సాంప్రదాయాలకు ఆచారవ్యవహారాలకు ప్రతీక...*

*చెడుపై సాధించిన మంచికి గుర్తుగా దీపావళి పండుగ వేడుక...*

*అమావాస్య చీకటిలో దీపాల వెలుగులే దీపావళి పర్వమిక...*

*దీనికి ఏ పండుగ సాటి రాదిక దేశమంతా జరిగేను మెండుగిక...*

*త్రేతా యుగంలో రావణసంహారం తరువాత అయోధ్యకు వచ్చిన రోజున...*

*ముల్లోక దేవతల రక్షించ సత్యభామ నరకాసురుడిని వధించిన రోజున..*

*సంపద శ్రేయస్సుకు దేవతైన లక్ష్మిదేవి  విష్ణువును ఎంచుకున్న రోజున..*

*జైనులు మహావీరుడు నిర్వాణం పొందిన రోజున...*

*సిక్కులు వారి గురువు హరిగోవింద సింగ్ విడుదలైన రోజున...*

*ప్రజలు  సంతోషంతో ఆనందంతో బాణసంచా కాల్చి దీపాలు అలంకరించి...*

*జరిపిరి దీపాల ఉత్సవం,అదే వస్తుండే ఆనవాయితీగా దీపావళి...*

*తిమిరాన్ని తొలగించి వెలుగును నింపే ఏకైక పండుగ దీపావళి...*

*ఇండ్లను శుద్ధి చేసుకొని రంగులు వేయించి నోములు జరుపుకొనేరు...*

*బొమ్మల కొలువులతో మహాలక్ష్మి పూజ జరిపేరు మెండుగ...*

*ఐదు రోజుల పండుగ అద్భుతం భారతీయులకు నిండుగ...*

*నరకచతుర్దశి దీపావళి భగినీహస్తభోజనం బలిపాడ్యమి గోవర్ధన పూజ...*

*దీపాల వరుసయే దీపావళి, కోటి దివ్వెల వెలుగుయే దీపారాధన...*

*దీపావళి బాణసంచాతో దీపకాంతులతో రాత్రి సమయంలో జరుపుకునే వేడుక...*

*పిల్లలకు పెద్దలకు పండుముసలి వారికి బంధుమిత్రులకు మహానందాలిక..*

*దీపావళి పండుగ నింపు కుటుంబ సభ్యులలో, ఆనందాలు సంతోషాలు మెండుగ...*