ఇది ఒక విషమ పరీక్షా సమయం

అంశం: పరీక్షా సమయం

శీర్షిక: *ఇది ఒక విషమ పరీక్షా సమయం*

ఆకాశంలో పరుగులు తీసే గ్రహాలకు
అవనిలోని ఉరుకుల పరుగుల జనాలకు
ఇది ఒక విషమ పరీక్షా సమయం
షష్టి గ్రహాలన్నీ ఒకే గుడిలోకి రాబోతున్నాయి
రాహువు కేతువుల మధ్య బంధింపపడుతున్నాయి!

మార్చి మాసం లోనే *క్రోధి* వెళ్లి
*విశ్వా వసు* నామ సంవత్సరం
ప్రారంభం కాబోతోంది
ప్రజలలో నమ్మకాన్ని పెంచుతుందా
లేక తుంచుతుందా వేచి చూడాల్సిందే!

*మార్చి మాసం విద్యార్ధులకుపరీక్షా సమయం*
పది ఇంటర్ డిగ్రీ పరీక్షల సమయం
దిశను భవిష్యత్తును నిర్దేశించే సమయం
ర్యాంకులు గ్రేడులంటూ కార్పోరేట్ సంస్థల
ఆరాటం పోరాటం విద్యార్థులపై వత్తిడి!

*ఇది ప్రజలకు పరీక్షా సమయం*
విద్యార్థుల పరీక్షలతో తల్లిదండ్రులలో అలజడి
పంటలు  లేక పనులు లేక ఇండ్లు కూలి
ఉద్యోగాలు ఊడి కొందరు సతమతం!

*ఇది భారత దేశానికి పరిక్షా సమయం*
ప్రజల సమిష్టి అభివృద్ధే దేశాభివృద్ధి
పెద్దన్న రాకతో ప్రపంచ దేశాలు వణికీ
పోతున్నాయి అందులో భారత దేశం ఒకటి!

అదిగో టారిఫ్ ఇదిగో టారిఫ్ అంటూ
హెచ్చరికలు జారీ చేస్తుండే
షేర్ మార్కెట్ కుప్పకూలే
ఇన్వెస్టర్ల జీవితాలు అగమ్యగోచరం
ఏడు ట్రిలియన్ల అభివృద్ధి ప్రశ్నార్థకం
ఆర్ధిక వ్యవస్థ చిన్నా భిన్నమాయే
ఫారెన్ ఇన్వెస్టర్లకు పండుగే పండుగ!

*ఇది ప్రకృతికి పరిక్షా సమయం*
షష్టి గ్రహ కూటమి కావడం గ్రహాలు ఏర్పడటం
పలు కారణాల వలన అనేక ఉపద్రవాలు
సముద్రాలలో ఆటుపోటులు కరువుకాటకాలు
జరుగుతాయని జ్యోతిష్యశాస్త్రం హెచ్చరిక!