రాలిన పూల వాసనలు

అంశం: రాలిన పూల వాసనలు

శీర్షిక: *బురుదలో పుట్టిన కమలాలైనా*

బురుదలో పుట్టిన కమలాలైనా
చిటారు కొమ్మలో విరిసిన బొడ్డు మల్లెలైనా
తోటలో పూసిన గులాబీలైనా
లతలకు మెరిసిన సన్న జాజి సిరులైనా
తాజాగున్న కాలంలోనే పరిమళాలు
సుగంధ మకరందాలు వెదజల్లుతాయి
దైవం పాదాల చెంత చోటు నొందుతాయి
తరుణిల తలలలో స్థానం పొందుతాయి!

మట్టిలో మెరిసిన మానిక్యాలైన మేధావులు
పూరి గుడిసెలలో మొగ్గ తొడిగిన మనుషులు
రాజకీయ కుటుంబాలలో పుట్టిన నాయకులు
మధ్య తరగతి కుటుంబాలలో జన్మించిన మహానుభావులు
ఎన్నో సేవలు గొప్ప పనులు దానాలు చేసి
బ్రతికున్న కాలంలో పేరు ప్రతిష్టలు
పొందుతారు విశ్వఖ్యాతి పొంది యుంటారు

పూవుల జీవిత కాలం ఒకటి రెండు రోజులైతే
మానవుల జీవిత కాలం తొంబై నుండి నూరు
సంవత్సరాలు

రాలిన పూల వాసనలైనా
గతించిన మానవుల అనుభవాలైనా
అవి పండుటాకుల్లా ఎండుటాకుల్లా
వృధా కావు ఎప్పటికీ
మనుషులు వారు చూసే ద్రుష్టిని బట్టి
మారుతూ ఉంటుంది!

రాలిన పూలనుండి సెంటు అత్తరు
సుగంధ పరిమళ తైలం తీయవచ్చు
గతించిన మనుషుల నుండి
వారి ఆలోచనలను అనుభవాలను
వారు రచించిన గ్రంథాల నుండి జ్ఞానాన్ని
పొందవచ్చు
వారిని ఆదర్శంగా తీసుకుని మెరుగైన
జీవితాలను గడుపవచ్చ!