వివాహం విడాకులు పిల్లలు

*నేటి అంశం* *వివాహాలు*విడాకులు*

*-పిల్లలు*

శీర్షిక: *వివాహ బంధం పవిత్రమైనది*

*పెళ్ళంటే నూరేళ్ళ పంట*
*అది నిలవాలి కలకాలం మన ఇంట*
వివాహం జీవితంలో ఒక భాగం
అంతే గానీ వివాహమే జీవితం కాకూడదు!

*నీటిలో పడప ప్రయాణించాలి గానీ*
*పడవలోకి నీరు చేరకూడదు*
వధూవరుల మనసులు కలిసినా
తనువులు కలువక పోవచ్చు
యువతీయువకుల తనువులు కలిసినా
మనసులు కలువక పోవచ్చు
*మనిషికి తన చేతి ఐదు వ్రేళ్ళే*
*సమానంగా ఉండవు*
అలాంటిది ఎవరో అవతలి వారి
మనసులు తనువులు ఒకేలా ఉంటాయని
అనుకోవడం అమాయకత్వం అత్యాశే!

కాలక్రమేణా జీవితంలో ఆర్ధిక , కుటుంబ
ఆరోగ్య మానసిక సమస్యలు
కందిరీగల వలె చుట్టు ముడుతాయి
వారిలో వారే సర్దుబాటు చేసుకుంటే సంసారం
బయట పడితే వారు సమాజానికి ఫలహారం!

నేనే గొప్ప అనుకుంటే అహంకారం
మనమే గొప్ప అనుకుంటే మమకారం
ఒకరికొకరం తోడు అనుకుంటే సహకారం
ఎవరికీ ఎవరం కాదనుకుంటే నిర్వికారం
రేపు అదే అవుతుంది విడాకులకు సోపానం!

*ఆవులు గేదెలు పోట్లాడుకుంటే*
*దూడల కాళ్ళు విరిగినట్లు*
భార్యాభర్తలు పోట్లాడుకుంటే
విడాకులు తీసుకుంటే  పిల్లల జీవితాలు
అగమ్యగోచరాలు సమాజంలో అనాధబాలలు
వారే అవుతారు రేపు అసంఘటితశక్తులు

భారత దేశంలో వివాహ బంధం పవిత్రమైనది
దానిని నిలబెట్టాల్సిన భాద్యత అందరిపై ఉంది
తల్లి తండ్రుల పిల్లలకు కొంత స్వేచ్ఛ నివ్వాలి
పెళ్ళి చేసుకోబోయే ముందే అందం డబ్బు
హోదా కాకుండా మనసు తనువు చూడాలి
జీవితం ఎవరిదీ నల్లేరుపై నడక కాదు
పూర్వ జన్మ పునర్జన్మ కర్మ ప్రభావాలు
గ్రహాల ప్రభావాలు అందరిపై ఉంటాయి
వివాహం అయ్యాక సహనంతో సర్దుబాటు
చేసుకుంటూ *ముళ్ళతో కూడిన గులాబీలు*
*ఎలా పరిమళాలను వెదజల్లుతాయో*
అలా జీవితాన్ని గడుపుతూ ఆదర్శంగా జీవించాలి