నందమూరి తారక రామారావు

అంశం: *విశ్వ విఖ్యాత నట సార్వభౌమ , పద్మశ్రీ డా. నందమూరి తారక రామారావు* 

శీర్షిక: *నగ్న సత్యం*

అతని మనసు ఉన్నతం 

అతని ఆశయం మహోన్నతం 

అతనొక మహోన్నత శిఖరం

తెలుగింటి వారి ఆత్మ గౌరవం!

కృష్ణా జిల్లా నిమ్మకూరులో జననం

తెలుగు ప్రజల ఆశా కిరణం 

బడుగు బలహీనుల ఆభరణం

తీర్చుకోలేరెవ్వరు మీ ఋణం!

చిన్న చిన్న వేషాలతో 

స్టేజి నాటకాలతో 

నటన వృత్తిని ప్రారంభించి 

వేలాది సినిమాలను

విభిన్న పాత్రలలో నటించి 

లక్షలాది అభిమానుల

అభిమానమును చూరగొన్న 

ఆత్మీయ నటశేఖరుడు

నందమూరి తారక రామారావు!

తెలుగు బిడ్డగా తెలుగు ప్రజల 

బడుగు జీవుల వెతలను, 

ఆర్ధిక స్థితి గతులను అర్ధం చేసుకున్న 

నవరస నటనా సార్వభౌముడు

రాజకీయ నాయకుడిగా అవతారమెత్తారు!

తెలుగు దేశం పార్టీని స్థాపించి 

అనతి కాలంలోనే ఉమ్మడి ఆంధ్రప్రదేశ్ 

ముఖ్యమంత్రిగా ఎన్నికై 

పేద మధ్యతరగతి ప్రజల కొరకు 

ఎన్నో మరెన్నో  సంక్షేమ పధకాలను 

రచించి అమలు చేసిన ధీరుడు

రామరాజ్యాన్ని స్థాపించాలని 

తపించి పోయిన ధీన జనుల

ఆరాధ్య దైవం ఎన్టీ రామారావు!

రూపాయికి కిలో బియ్యం

ఉచిత విద్య ఉచిత వైద్యం 

పెన్షన్ పెంపు వంటి పధకాలు

ఆడపడుచులకు ఆస్తి హక్కు 

పేదబడుగులకు గృహ నిర్మాణం

నిరుద్యోగులకు ఉపాధి కల్పన 

ఇలా ఎన్నో పధకాలను ప్రకటిస్తూ 

సునాయాసంగా అమలు చేసారు!

దేశంలో ప్రపంచంలో

గొప్ప కీర్తిని గడించారు 

నటనా ప్రతిభను కనబరిచి 

విశ్వవిఖ్యాత నట సార్వభౌముడుగా

గుర్తింపు పొంది , కేంద్ర ప్రభుత్వం నుండి

*పద్మశ్రీ అవార్డు* ను , కళా ప్రపూర్ణగా 

పేరుగాంచి, ఆంధ్ర విశ్వవిద్యాలయం నుండి

*డాక్టరేట్ బిరుదు* ను పొందిన ఘనుడు 

మహోన్నత శిఖరం ఎన్టీ రామారావు!

అతి సులభంగా భారత ప్రధాన మంత్రి 

కావల్సిన సమయంలో 

స్వయంకృపారాధం  కారణమో

ఆత్మీయులే ప్రక్కలో బల్లెం కావడమో

దగ్గరి బంధువులే వెన్నుపోటు పొడవడమో

లేక విధి రాతనో తెలియదు గానీ 

దేశ ప్రజలు ఒక ఉత్తమ నటుడిని

ఒక ఉత్తమోత్తమ నాయకుడిని

కోల్పోవల్సిన దుస్థితి ఏర్పడింది

ఇది చరిత్ర మరువని నగ్నం సత్యం!