అంశం: తరువమ్మా చెరువమ్మా
శీర్షిక: తరువమ్మా చెరువమ్మా!
తరువమ్మా చెరువమ్మా
మము కాపాడే దేవతలమ్మా
ఆటపాటలకు ఆలవాలము
ఆనందాలకు నిలయము
పాదచారులకు స్వర్గధామము
తరువమ్మా చెరువమ్మా
జీవకోటికి ప్రాణదాతలు మీరమ్మా!
దూపను తీర్చేను చెరువమ్మా
నీడ నిచ్చేను తరువమ్మా
కడుపు నింపేను చెరువమ్మా
సేద తీర్చేను తరువమ్మా
తరువమ్మా చెరువమ్మా
జీవకోటికి ప్రాణదాతలు మీరమ్మా!
తరువుల వలనే గాలులు వీచును
గాలుల వలనే వానలు కురియును
వానల వలెనే చెరువులు నిండును
చెరువుల వలనే పంటలు పండును
చెరువుల వలనే తరువులు
పెరుగును
తరువమ్మా చెరువమ్మా
జీవకోటికి ప్రాణదాతలు మీరమ్మా!
తరువులు ఇచ్చు పండ్ల ఫలాలు
చెరువులు ఇచ్చు చేపలు దుంపలు
తరువుల పైన పక్షుల కిచకిచలు
చెరువుల లోన కప్పల బెకబెకలు
తరువమ్మా చెరువమ్మా
మము కాపాడే దేవతలమ్మా
జీవకోటికి ప్రాణదాతలు మీరమ్మా!
No comments:
Post a Comment