విజయం తధ్యం /గెలుపు ఓటమి

అంశం: చిత్ర కవిత

శీర్శిక: *విజయం తధ్యం*

విజయ తీరాలకు చేరాలంటే
పట్టుదలతో పదిసార్లు ఆలోచించి
ఒక నిర్ణయం తీసుకోవాలి 
నిరంతరం సాధన చేయాలి
మధ్యలో ఎన్నో అడ్డంకులు వచ్చినా
అవాంతరాలు ఎదురయినా
వెనుకకు లాగే వారు అడుగడుగున ఉన్నా
ఆర్ధిక పరమైన కుటుంబ పరమైన  సమస్యలు ఎదురైనా

మధ్యనుండే వెనక్కి తిరిగి రావద్దు
లక్ష్యం గెలుపు మీదనే ఉండాలి!

గెలుపు ఓటమిలు సహజం 

ఓటమి ఒక అనుభవం ఒక గుణపాఠం 

దెబ్బ తాకితేనే మొగ్గుతారు

ఓడటం గెలుపునకు గట్టి పునాది 

ఓడిపోతే పట్టుదల రెట్టింపు అవుతుంది 

బాధ తాత్కాలికం సంతోషం శాశ్వతం!

రోడ్ మీద మన ముందు ఎంతో
ట్రాఫిక్ కనబడినా
భయపడి ప్రయాణాన్ని ఆపం! ఎందుకు?

ఎంట్రెన్స్ పరీక్షలకు విద్యార్థులు
వేలాది మంది హాజరైనా
పరీక్ష వ్రాయడం ఆపం! ఎందుకు?

ఉద్యోగాలకు లక్షలాది మంది
అప్లై చేసినా
భయపడి పరీక్షలకు చదవడం మానం
వ్రాయడం మానం! ఎందుకు?

విమాన యానం అంతరిక్ష యానం
క్షణం అటుఇటు అవుతే
ప్రాణాలు దక్కవని తెలుసు
అయినా ప్రయాణం ఆపం! ఎందుకు?

వ్యాపారం చేసినా షేర్ మార్కెట్ లో
ఇన్వెష్ట్ చేస్తే నష్టాలు వచ్చేది తెలియదు
లాభాలు వచ్చేది తెలియదు
అయినా ఇన్వెష్ట్ చేస్తానే ఉంటాం! ఎందుకు?

ఎందుకంటే పదివేల అడుగుల
ప్రయాణానికైనా మొదటి అడుగే ప్రధానం
కాబట్టి!

అడుగు వేయకుండా భయపడి
*ఒక్క క్షణం వెనక్కి తిరిగావో*
ఒక్క అడుగు వెనక్కి వేశావో
ఇక ముందుకు సాగలేవు గెలుపు పొందలేవు
జీవితం *ఎక్కడ వేసిన గొంగళి అక్కడే*
అన్నట్లుగా  ఉంటుంది!

*ధైర్యే సాహాసి లక్ష్మి*
ధైర్యంగా ముందడుగు వేయాలి
*కృషితో నాస్తి దుర్భిక్షం*
క్రమశిక్షణతో కష్టపడితే ఏదైనా సాధ్యమే!

ఒక్క క్షణం కూడా వెనక్కి తిరుగకుండా
పట్టుదలతో, దృడమైన సంకల్పంతో
స్కిల్స్ మెరుగు పరుచుకుంటూ
తప్పులను సరిదిద్దుకుంటూ
అనుభవాలను నెమరు వేసుకుంటూ
అనుభవజ్ఞులు సలహాలు తీసుకుంటూ
ధైర్యంగా ముందుకు వెళ్ళినను
ఇక పోటీ అంటూ ఎవరూ ఉండరు
*విజయం తధ్యం!*