అంశం: శ్రీ సీతారామ కళ్యాణం
శీర్షిక: *శివ ధనుస్సు ఎత్తె*
ధశరథ మహారాజు కౌసల్యల
ముద్దుల తనయుడు శ్రీరాముడు
విలువిద్యలందు అస్త్రశస్త్రాలందు
ఆరితేరిన ఘనుడు అయోధ్య రాముడు!
స్వయంవరం ఏర్పాటు జేయ జనకుడు
దేశ దేశాల రాజులు వరుసలో కూర్చునే
ధనుస్సు ఎత్త లేక చతికిల బడగ
విలువిద్యలో నేర్పరి విల్లు నెత్త సమర్ధుడు
ఒక్క చేతితో ఎత్తె శివ ధనుస్సు అవలీలగా!
తగిన సమర్ధుడు అతడేనని తలచిన జానకి
పట్టరాని సంతోషంతో సిగ్గు వొలకబోస్తూ
హర్షధ్వానాల మధ్య హరి మెడలో హారం వేసే
మిథిలా నగర ప్రజల సంబురాలు నింగికెగెసే!
చైత్ర శుక్ల నవమి రోజున దేశ దేశాధి రాజులు
రాణులు ఋషులు వేలాది ప్రజలు రాగా
వేద మంత్రాలతో మంగళ వాయిద్యాలతో
శ్రీ సీతారాముల కళ్యాణం జరిగే
అంగరంగ వైభవంగా!
No comments:
Post a Comment