అమ్మ చేతి కర్ర (అతిశయోక్తి అలంకారాలు)

అంశం: అలంకారాలు (అతిశయోక్త్యలంకారాలు)

శీర్శిక: *అమ్మ చేతి కర్ర!*

అమ్మ చేతి కర్ర మహాద్భుత మహిమ గలది
అది  నడుస్తుంటే పంచుతుంది వెలుగులు 
చుట్టూరా రంగు రంగుల దారాల జిలుగులు 
అడుగు అడుగునా సప్త వర్ణాల శోభలు 
రంగు రంగుల అంచుల కొత్త కొత్త చంద్రికలు
చుట్టి చుట్టి కర్రను *ఇంద్ర ధనుస్సులా* మలిచే
ఎంతో  *అపురూపమైనది* అమ్మ చేతి కర్ర!

కానీ, చేస్తుంది ఆ కర్ర యెన్నో గొప్ప పనులు
చేతి కర్రే అమ్మకు ఆత్మీయురాలు సేవకురాలు

ఒక్క నిమిషం లేకపోతే విలవిల లాడుతుంది 
*అద్భుతమైన ఆయుధం* అమ్మ చేతి కర్ర!

గాలిని రప్పించాలన్నా 

తనకు తాను ప్రైవేసీ కోరుకున్నా

వెలుగులు చిందించాలన్నా 

వేడి నీటి ఊటను రప్పించాలన్నా

పలకరించాలన్నా గుర్తు చేయాలన్నా

కుక్కను బెదిరించాలన్నా పిల్లిఅదిలించాలన్నా

*బహుళార్ధక సాధక సాధనం* అమ్మ చేతి కర్ర!

కొండంత ధైర్యాన్ని యిచ్చేది కోటి వరాల నిచ్చేది
తన జీవితాన్ని రక్షించేది మనిషిలా ధైర్యాన్ని ఇచ్చేది
బెడ్డుపైననే సేదతీరేది అనురాగాల అమ్మ చేతి కర్ర
అమ్మకు *ఆరో ప్రాణం* అమ్మ చేతి కర్ర
అమ్మకు నేడు నూరు ఏళ్ళు *మహా భాగ్యం*!

         *మార్గం కృష్ణ మూర్తి 🙏*