ఇదేనా కవుల ఆశయం

అంశం: ఆశయం 

శీర్శిక::ఇదేనా కవుల ఆశయం? 

ఇదేనా కవులు చెప్పదలుచుకున్నది?

ఇదేనా కవుల ఆశయం?

ఇదేనా కవులకు సంతృప్తి , ముక్తి?

ప్రశంసా పత్రాలకో , పురస్కారాలకో

బిరుదులకో, మెప్పులకోసరమేనా రచనలు

ఎత్తుగడలు, ముగింపులు, అలంకారాలు ,పదబంధాలు , యతిప్రాసలేనా

ఎప్పుడు మారుతాయి మన బ్రతుకులు?

ఎప్పుడు మారుతుంది భారత దేశం, అభివృద్ధి చెందిన దేశంగా?

పేదలు బిక్షగాళ్ళవుతున్నారు

ధనికులు కుబేరులవుతున్నారు

మధ్య తరగతి వారు విల విల లాడుతున్నారు

నేడు రాష్ట్రాలలో , దేశంలో

అన్యాయాలు , అక్రమాలు తాండవిస్తున్నాయి

బానీసలను చేసే ఉచిత పధకాలు

పెరిగి పోతున్నాయి

ప్రజలను సోమరులను చేస్తున్నారు

ప్రజలపై ఉక్కుపాదం మోపుతున్నారు

నేతలు , వారి తొత్తులైన వ్యాపారులు

రాష్ట్రాలలో అప్పులు పెంచుకుంటూ

ఓటు బ్యాంకు పధకాలకు ,

వారి ఉనికి కొరకు ఖర్చు పెడుతున్నారు

కులాలను , మతాలను విడదీసి

బంధు పధకాలు , రిజర్వేషన్లు 

ఓటు బ్యాంకు కొరకు ప్రకటిస్తున్నారు

కాకమ్మ కథలు చెప్పి దేశ సంపదను

దోచుకుంటున్నారు

ప్రశ్నించే వారిని వేరు వేరు

కేసులతో హింసిస్తున్నారు

ఏ ఒక్కరు ఏమీ చేయలేరు

నేడు సామాన్యులకు

అనుకూల పవనాలు వీస్తున్నాయి

సర్వోన్నత న్యాయస్థానం

చక్కని నిర్ణయాలు తీసుకుంటున్నది

ఇక కదలండి ,కదిలించండి మీ మీ కలాలను

వ్యవస్థలను చైతన్య పరుచాలి

ఎన్నికల సంస్కరణలు జరుగాలి

ఓటు బ్యాంక్ పధకాల నియంత్రించాలి

రిజర్వేషన్ల క్రమ బద్దీకరించాలి

హామీలపై నియంత్రణ ఉండాలి

నేతలకు పెన్సన్లు రద్దు చేయాలి

నేతలకు ఆదాయ పన్నులు వేయాలి

భూస్వాములకు రైతు బంధు రద్దు చేయాలి

రైతన్నలను జీవింప చేయాలి

కర్షక కౌలుదారుల శ్రమను గుర్తించాలి

కాళోజి అన్నట్లు  ఒక్క సిరా చుక్క 

వేయిమెదళ్ళను కదిలించాలి

కవుల ఆశయం ప్రజల చైతన్యం చేసే 

దిశగా అడుగులు వేయాలి!