మనసా! ఓ మనసా!

అంశం: మనసా పలకవే

శీర్షిక: *మనసా! ఓ మనసా!*

మనసా! ఓ మనసా!   
ఏమిటి నీ ఆశయం ! ఎందాకా నీ పయణం!     
ఏమి తెచ్చావు ఈ లోకానికి !
ఏమి ఇచ్చావు ఈ జగతికి! 
ఏమి తీసుకెళ్తేవు రేపు నీ లోకానికి! 

ధనం సంపాదించినా  నీ తోడు రాదు
విద్య సంపాదించినా  నీ తోడు రాదు
సంతానాన్ని సంపాదించినా నీ తోడు రారు
అందాన్ని సంపాదించినా నీ తోడు రాదు
సుఖంగా జీవించింది నీ తోడు రాదు
మంచి మాట , మంచి మనసు
మంచి సహాయం మంచి దానం మంచితనం
నిను నింగిలో నిలుపు!   

అసహనంతో ఒక  కాగితాన్ని చించగలవు . కానీ  దానిని తిరిగి అతికించలేవు.
కోపంతో ఒక మాట అనగలవు . కానీ తిరిగి దానిని తీసుకోలేవు .
మూర్ఖంగా  ఒక దెబ్బ కొట్ట గలవు , కానీ తిరిగి దానిని మాన్ప లేవు
అహంకారంతో  ఎవరినైనా ఒక మాట అన గలవు . కానీ మరల ఆ మాటను తీసుకోలేవు!

మన కాళ్ళు చేతులే సహకరించవు కలకాలం
మన సంతానమే తోడు ఉండరు మనతో నిరంతరం
మన భాగస్వామియే దగ్గరకు రాలేరు శ్వాస విడిచాక
మన బంధువులే దరిదాపుల్లోకి రారెవ్వరు
మన ఆస్తులు అంతస్తులు ఏవీ మనతో రావు కైలాసానికి!
మనసా !ఓ మనసా ! ఏమిటీ నీ ఆశయం
ఎందాకా నీ పయణం!