అంశం: మౌనం తోటలోకి
శీర్షిక: *మౌనం మనోబలానికి స్ఫూర్తి*
*మౌనం రెండు వైపులా పదునైన ఖడ్గం*
*మౌనం బహుళార్థ సాధక సాధనం*
*మౌనం తపోతోటలో మధురామృతం*
*మౌనం మాధుర్యం భాష్యం అనంతం*
మౌనం మేధస్సును ఇంద్ర ధనుస్సులా
జ్ఞానాన్ని గణనాథుడిని తలపించునట్లుగా
మనిషి విలువలను ఆకాశమెత్తులో
వ్యక్తిత్వాన్ని ఎవరెస్ట్ శిఖరాన్ని మించి
హృదయ వికాసానికి రెక్కలు తొడుగుతుంది!
తన సమ్మతిని తెలియజేయడానికి
మౌనం అర్ధాంగీ కారమని చెబుతారు
మౌనంగా తపస్సు చేసే ఋషులకు
భూత వర్తమాన భవిష్యత్ కాలాల
సంఘటనలు స్ఫురణకు వస్తాయంటారు!
మరోవైపు మౌనాన్ని చూస్తే
మౌనం అమాయకత్వానికి ఆనవాలు
అజ్ఞానానికి తెలివి తక్కువ తనానికి ప్రతీక
చేతకాని తనానికి నిదర్శనం
విలువ లేని తనానికి నిలువెత్తు అద్దం
సోమరి తనానికి ప్రతిబింబం!
మౌనులు అజ్ఞానులకు జ్ఞానాన్ని బోధిస్తారు
మౌన మునులు సమాజ హితకారులు
శ్రీకృష్ణుడు గౌతమ బుద్ధుడు
స్వామి వివేకానంద రామకృష్ణ పరమహంస
దయానంద సరస్వతి బ్రహ్మం గారు మరెందరో!
మౌనం వలన జ్ఞానమే కాదు
మౌనం సమాజ హితమే కాదు
వారి ఆయురారోగ్యాలు వృద్ధి చెందు
మౌనం మనోబలానికి స్ఫూర్తి
మనోబలంతో అనూహ్య విజయాలు
గొప్ప పేరు ప్రఖ్యాతులు సిద్ధించు
ఆనందమైన ప్రశాంతమైన జీవితం మౌనంతోనే !
No comments:
Post a Comment