అవయవదానం

*నేటి అంశం*అవయవదానం*

శీర్షిక: దానాలలో కెల్ల అవయవదానం గొప్పది

*అన్నదానం మనిషికి*
*ఒక పూట కడుపునింపుతే*
*అవయవ దానం మనిషికి*
*పునర్జన్మ నిస్తుంది*

జగతి లోన జీవకోటికి లేనిది
మనిషి జన్మ కుంది  గొప్ప వరం
మనుషులకు వీలైనది అనువైనది
పది మందికి దానం చేయగల అవకాశం
అదియే *అవయవదాన* సదవకాశం!

భూదానం గోదానం విద్యాదానం
అన్నదానం అవయవదానం మరెన్నో
దానములకెల్ల *అవయవదానం* గొప్పది
అది జగమెరిగిన సత్యం!

కలకాలం ఎవరూ భూమిపైన బ్రతకరాలేదు
జన్మతోనే ఎవరూ ధనవంతులు కాదు
పుట్టుకతోనే ఆరోగ్య వంతులు కాదు
అన్ని అవయవాలతో జన్మించక పోవచ్చు!

మనిషిగా పుట్టినపుడు మానవత్వం
తోటి వారికి సహాయం చేయ గల గుణం
ఆపదలో ఉన్న వారిని ఆదుకునే తత్వం
ఉన్నపుడే  మనిషి జీవితం ధన్యం!

సేవలు ఆర్ధిక సహాయాలు ఇతర దానాలు
మనిషి బ్రతికి ఉండగా చేసేవి
తోటి వ్యక్తి బాధలో ఉన్నప్పుడు ఆదుకునేవి
మనిషి చనిపోయాక చేసేది *అవయవదానం*!

అవయవదానాలు అనేకం
నేత్ర దానం కిడ్నీ దానం లివర్ దానం
రక్త దానం సెల్స్ దానం మరెన్నో
*అవయవ దానం మనిషికి*
*పునర్జన్మ నిస్తుంది*