విధి చేతిలో కీలుబొమ్మలం

*నేటి అంశం*పదాల కవిత*

*పదాలు:*

*మౌనమే నీ భాష*
*విరిసిన*సుమం*
*హృదయాకాశం*
*అనురాగ నిలయం*

శీర్షిక: *విధి చేతిలో కీలుబొమ్మలం*

గలగల పారే గోదావరిలా మాటాడే నీవు
చిలుక పలుకుల్లా ఉండే నీ మాటలు
ఆమని కోయిలలా ఉండే నీ గాత్రం
నేడు  *మౌనమే మూగ భాష* ఆయెనా!

అర *విరిసిన సుమం* లా విప్పారిన
నీ హృదయం పరిమళం లేని
శిలలా మారుటకు కారణం ఏమి?
అంతా విధి నిర్ణయం విధి చేతిలో
అందరం కీలు బొమ్మలం!

నీ మనసు *హృదయాకాశం* లా
ఎంతో విశాలమైనది గంగలా నిండైనది
నీ ప్రేమ దయ అమృత భాండాగారం
నీ వ్యక్తిత్వం ఎత్తైన ఎవరెస్ట్ శిఖరం!

నీ ఆలోచనలు భావాలు నడవడిక
జాలి కరుణ మమతలు చిరునవ్వు
అందం ఆహార్యం నీ ఆభరణాలు
నీ మనసు *అనురాగ నిలయం*
మౌనమే మూగ భాషాయనా మనసా!