ఆమె నా చెలి! (ఉపమాలంకారాలు)

అంశం: అలంకారాలు (ఉపమాలాంకారాలు)

శీర్షిక: *ఆమె నా చెలి!*

ఆమె నా చెలి! దివి నుండి భువికి దిగి వచ్చిన అప్సరస!
రంభా ఊర్వశి మేనక కన్న మిన్న ఆమె అందం
ఆమె ముఖం ఉదయించే సూర్యుడిలా తేజోవంతం!

చందమామలా గుండ్రని మోము
కలువ రేకుల వంటి కనుబొమ్మలు
హంస రెక్కలు వంటి ఆమె కనురెప్పలు
తేనేలొలక బోసినట్లు మెరిసే కనులు
లేత కోవాలాంటి చెంపల బుగ్గలు!

అరవిరిసిన కమల పద్మం లాంటి నువ్వు
స్వచ్ఛమైన వెండితీగెల్లా తళతళ మెరిసే పళ్ళు
నల్లని మేఘాల వంటి కురులు
నాగ త్రాచు వంటి పొడవాటి జడ!

సాంప్రదాయంగా ఆరు గజాల పట్టు పీతాంబరం చీర
నెమలి పించములా సొగసులద్దిన మిలమిల మెరిసే జాకెట్టు
ముంజేతులకు మేలి బంగారు గాజులు
నుదుట పడమట అస్తమయమున కనపించే సూరీడు వంటి ఎరుపు రంగు కుంకుమ బొట్టు!

కొప్పున జాబిలి వెన్నెల వంటి మల్లె పూలదండ
అరుంధతి దేవికి సరితూగే ప్రాతివత్యం
నిండు మనసు , అన్నపూర్ణ లా ఆర్తిని తీర్చు కల్పవల్లి
సతీ సావిత్రి లా ముత్తైదువతనం కాపాడుకోగల సత్యవంతురాలు, ఆమే నా చెలి నిచ్చెలి!