నీవు నేను ఓ చల్లని సాయంత్రం

అంశం: నీవు నేను ఓ చల్లని సాయంత్రం

శీర్షిక: *గల గలా గోదావరి*

నీవు నేను ఓ చల్లని సాయంత్రం
అదిగదిగో వెలుగులతో రామాలయం
గుడిలో వినిపిస్తుంది పూజారి మంత్రం
తీసుకు వెల్దాం పుష్పం తోయం పత్రం!

చూద్దామా గల గలా పారే గోదావరి
అదిగో గోదావరి మీదనే బస్సులు వెళ్ళే దారి
మోటారు సైకిళ్లు వెలుతాయి సందులో దూరి
గోదావరి లోకి రోజూ వెలుతాడు జాలారి!

గోదావరిలోకి దిగడానికి ఉంటుంది మెట్లదారి
స్నానాలు చేస్తారు గోదావరి చేరి
పిల్లలు ఈత కొడుతారు అందులో దూరి
పూజలు చేస్తారు అయ్యవార్లు చేరి!

మంత్రాలను చదువుతారు హోరా హోరి
పూజా సామాగ్రి కొనమంటారు మరీమరి
గోదావరి కట్ట క్రిందనే సన్నని మోరి
చెత్తాచెదారం ఉంటుంది అందులో చేరి!

గోదావరి కట్ట ప్రక్కనే హోటల్లో పూరి
డబ్బు చెల్లిస్తుంటే గుర్తు కొస్తాడు హరి
నది ప్రక్కనే రైతులు పండిస్తారు వరి
బియ్యం తీస్తారు రైతులు వడ్లను నూరి

బహుళ ప్రయోజనకారి  గోదావరి
గోదావరి ముగుస్తుంది సముద్రంలో చేరి
ఎలావుంది నీవు నేను ఓ చల్లని సాయంత్రం
మెల్లమెల్లగా ఇక వెళ్దామా ఇంటికి మరి!