అంశం: చిత్ర కవిత (సునీతా విలియమ్స్)
శీరషిక: స్త్రీ జాతికి స్పూర్తి !
అందాల తారలతో
స్నేహం చేయాలని
విశ్వానికి వెలుగు తేవాలని
ఉబలాట పడింది జాబిలి!
ఆకాశంలో అలా అలా
మెరిసింది ఓ నక్షత్రంలా
వెలిగింది నిండు పున్నమిలా
తిరిగింది సూర్య చంద్రులకు ధీటుగా !
ఒక అసాధారణ వనిత
పొందెను చరిత్రలో ఎంతో ఘనత
ఇండోఅమెరికన్ అంతరిక్ష శాస్త్రవేత్త
సువర్ణాక్షరాలతో లిఖించ దగిన చరిత!
తల్లి గర్భం మాయలో పసి బిడ్డలా
నవ మాసాలు పొదిగి నట్లు
నవ మాసాలు రోదసీలో ఒదిగి
పుడమిని పులకరింప జేసిన తరుణి!
రోదసిలోనే ఆవాసం
సూన్యంతోనే సహవాసం
నిత్యం హనుమాన్ జపం
భగవద్గీత పఠనం
స్థిత ప్రజ్ఞత ఆత్మ విశ్వాసం
తన మనోబలం!
అంతరిక్ష వ్యోమ నౌకలో
సాంకేతిక ఇబ్బందులతో
ఇక్కట్ల పాలైనా సరోజ
మొక్కవోని ధైర్యంతో
అంతరిక్షంలో పరిశోధన!
ఎవరెస్ట్ శికరానికి తీసిపోని
అంతరిక్ష అనుభవాల జ్ఞాని
యావత్ స్త్రీ జాతికి స్పూర్తి
తెచ్చెను దేశానికి గొప్ప కీర్తి
జయహో సునీతా విలియమ్స్!
No comments:
Post a Comment