ప్రశంసా పత్రాల ప్రయోజనం

 అంశం: *ప్రశంసా పత్రాల ప్రయోజనం*

శీర్షిక: *ప్రోత్సాహం*

సూర్య కిరణాలు భానుడికి
ఎగిసి పడే కెరటాలు  సముద్రానికి
చల్లని వాతావరణం ప్రకృతికి ఎలానో
ప్రశంసా పత్రాలు  పోష్టర్లు
బిరుదులు  పురస్కారాలు
అభినందనలు కవులకు గీటురాయి!

చిరు గాలికి విలువ ఉంటుంది
ప్రతి వస్తువుకు ధర ఉంటుంది
ప్రతి మాటకు అర్ధం ఉంటుంది
ప్రతి పనిలో శ్రమ ఉంటుంది!

ఊరికే చెప్పే సలహాలకు విలువ ఉండదు
ఉచితంగా ఇచ్చే వాటికి మూల్యముండదు
అక్రమంగా వచ్చే డబ్బుకి పరువుండదు
ప్రోత్సాహం లేని రచనలకు ప్రేరణుండదు!

కవిత్వానికి సమీక్షలు ఉండాలి
కవిత్వానికి సకారాత్మక విమర్శలు ఉండాలి
తప్పులు దిద్దుకోడానికి అవకాశం ఉంటుంది
ఉత్సాహం లేదా రాయాలనే కసి పెరుగవచ్చు!

వరి ధాన్యాలను మరపట్టిస్తేనే బియ్యం
కౄడ్ ఆయిల్ ను శుద్దిచేస్తేనే ఇంధనం
బంగారాన్ని మరిగించి అచ్చుపోస్తేనే ఆభరణం
సమతులాహారం తింటేనే ఆరోగ్యం
కవులను ప్రోత్సాహిస్తేనే మంచి కవిత్వం!