బాలల గేయాలు

*నేటి కవిత*:

తేది:08.11.25

అంశం: బాలల గేయాలు 

శీర్షిక: *మేమే మేమే బాలలం*

పల్లవి:

మేమే మేమే బాలలం

భావి తరానికి వారసులం

దేశ రక్షణకు సైనికులం

జగతికి మేమే దివ్వెలం!       *మేమే మేమే*

చరణం:1

కులా మతాలు మాకు లేవు

పేదా ధనిక తేడా లేదు

భాష ప్రాంత భేదం లేదు 

ఈర్ష్య అసూయలు అసలే లేవు *మేమే మేమే*

చరణం: 2

అందరం బడికి వెళ్ళెదము

కలిసి మెలిసీ ఉండెదము

ఒకరివి నొకరికి పంచెదము

క్రమశిక్షణను పాటించెదము        *మేమే మేమే*

చరణం: 3

చక్కగ ఆటలు ఆడెదము

గెలుపు ఓటమిలను చూచెదము

పోటీ తత్వాల పెంచెదము

గొప్ప నాయకుల మయ్యెదము  *మేమే మేమే*

చరణం: 4

నాన్న మాటలను వినెదము

అమ్మ వంటలనే తినెదము

చక్కగ కూర్చొని చదివెదము

హాయిగ నిదుర పోయెదము    *మేమే మేమే*