మార్పు పాలకులలో రావాలి

శీర్షిక: *మార్పు పాలకులలో రావాలి*

(ఏడు దశాబ్దాలు దాటిన గణతంత్ర దినోత్సవం సందర్భంగా)

*పుండు ఒక చోట ఉంటే* 

*మందొక చోట పెట్టిన ఫలితం శూన్యం* 

ప్రజలలో కాదు మార్పు, పాలకులలో రావాలి

సంఘాలలో కాదు మార్పు, చట్టాలలో రావాలి

చట్టాలలోనే కాదు మార్పు, వాటిని అమలు చేసేటి  సమర్ధులు (టి.ఎన్. శేషన్ )  రావాలి

పది మంది పలురకాల చెడుతనంతో పోటీ చేసే అవకాశం చట్టాలలో ఉన్నపుడు

ప్రజలు ఓటు వేసినా వేయక పోయినా ఒకరు గెలుస్తారు

గుడులలో కాదుమార్పు,  బడులలో రావాలి

సలహాలలో కాదు, మార్పు చదువులలో రావాలి

ఆకాశంలో మేఘాలు ఎన్ని యున్నను ఏమి ఫలం

నేల పైన వర్షం ధారగా పడినపుడే ధరణి సస్యశ్యామలం

వేదిక పైన నిలబడి గొప్పలెన్ని చెప్పి ఏమి లాభం

ఉత్తర ప్రగల్పాలు గాకుండా చూడటం ఉన్నతం

అన్నీ ఉచితమని ప్రజలను బానిసలను చేయడం కాదు

ఉచితంగా దేశాన్ని దోచుకోవడం, క్విడ్ ప్రో

 ఆపేయాలి

ఓటు బ్యాంకు కొరకు నగదు పధకాలను పంచడం కాదు

అప్పులతో దేశాన్ని ముంచెత్తడం మానేయాలి

రాజకీయాలలో లేనపుడు సూచనలు ఏమి ప్రయోజనం 

రాజకీయ పదవులలో ఉన్నపుడు అమలు పరిచినపుడే సమాజానికి ప్రయోజనం

చనిపోయే వరకు రాజకీయాలు చేయడం కాదు

బ్రతికి ఉన్నపుడే గౌరవాలు , పురస్కారాలు , బిరుదులు అందించాలి

మొక్కకు నీరు పోసినపుడే , అది వృక్షమై ఫలాల నందిస్తుంది

విద్యార్ధులకు ఉచిత కూడు గూడు గుడ్డ విద్య వైద్యం అందించినపుడే , దేశానికి సేవ చేస్తాడు

పేద మధ్య తరగతుల వారిని ఎంత కాలం మోసం చేస్తారు?

సానుభూతి సలహాలతో అధికార పీఠాల ఇంకెంత కాలం పట్టకుని వ్రేళ్ళాడుతారు?

ప్రశ్నించే ప్రజల నోరు నొక్కేయడం కాదు

ప్రశ్నించే భావాలనర్ధం చేసుకుని సరిదిద్దుకోవాలి

నీతులు వల్లించడమే కాదు

ధర్మంగా అడిగే వారికి అండగా నిలువాలి

అధికారంలో ఉన్న దేశభక్తులు ఉచిత సలహాలివ్వడం కాదు

ఉన్న చట్టాలనే అమలు పరుచడానికి కృషి చేయాలి