పచ్చని చెట్లు - ప్రగతికి మెట్లు

అంశం -పర్యావరణ పరిరక్షణ

శీర్షిక : *పచ్చని చెట్లే ప్రగతికి మెట్లు*

పల్లెలు పచ్చ పచ్చని తరువులతో
చల్ల చల్లని మారుతాలు నిండైన చెరువులతో
ఝరులు గిరుల అందచందాలతో 
పరవిశించు ప్రకృతి పక్షుల కిల కిలా రావాలతో!

నేడు మనిషిలో  స్వార్ధం పెర్గి పోయే
పట్టణాలలో చెట్లను కూకటి వేళ్ళతో నరికి వేస్తూ 
పుట్టలను త్రవ్వుతూ గుట్టలను కూల్చుతూ
ధరిత్రి మాతను సిమెంట్ కంకరతో పూడ్చుతూ

అంబరాన్ని తాకే ఆకాశ హార్మ్యాలను నిర్మిస్తుండే
గనుల కొల్లగొడుతూ పరిశ్రమల స్థాపిస్తుండే
కార్భన్లను గాలిలోకి వదులుతుండే
పెట్రోల్ డీజిల్ వెహికల్స్ కాలుష్యంతో
పర్యావరణాన్ని పాడు చేస్తుండే!

బీడు వారిన నేలలతో
విషం నిండిన కాలుష్యంతో 
అంతరించిన ఆక్సిజన్ తో
ఊపిరాడక జనులు మాస్కులతో
అంధకారంతో అసువులు బాస్తుండే!

చెట్టు గుణము నుండదు, చెట్టంత మనిషికి
బ్రతికినన్ని రోజులు వృక్షాలు బాసటగా నిలుచు
ఆరోగ్యాన్నిచ్చు ఆయుష్షును పెంచు 
వర్షముల కురిపించు , ఔషధాల నిచ్చు

కోట్లాది జీవరాశులకు రక్షణ కల్పించు 
*పచ్చని చెట్లే , ప్రగతికి మెట్లు*!