ఏది కౌలు బంధు పధకం

శీర్షిక: ఏది కౌలు బంధు పధకం?

స్వాతంత్ర్యం వచ్చి ఏడు దశాబ్దాలు దాటినా
చంద్రమండలానికి రాకెట్ పంపే స్థాయికి ఎదిగినా
రిజర్వేషన్లకు వలె హామీలు ఇస్తూ 
ఓటు బ్యాంకు రాజకీయాల కొరకు నేతలు 
వారు కర్షకులనీ పాసుబుక్కులున్న వారనీ
పదుల ఎకరాలకు పైబడి భూములున్నా
భూముల ధరలు రోజురోజుకూ పెరుగుతున్నా
బంధు పధకాలు పెంచను నేతలు పోటీ పడుతారు
బంధు పధకాలు కాదు రైతులు కోరుకునేది
ఇష్టమైన పంటలు పండించుకునే స్వేచ్చ
పండిన పంటకు గిట్టుబాటు ధరలు
నాణ్యమైన విత్తనాలు సకాలంలో ఎరువులు
ధాన్యం నిలువ చేసుకోడానికి గిడ్డంగులు
సాంకేతిక నైపుణ్యాలు పంట నష్టాలు!

పని చేసే కూలీలు శ్రమ జీవులు కారా
కనీసం వారికి అడుగు భూమీ లేదే 
వారు లేకుండా పంటలు పండుతాయా?
ఏది వారికి *కూలి బంధు పధకం?*

కౌలు దారులు శ్రమ జీవులు కారా 
కనీసం వారికి సెంటు భూమి లేదే
వారు హలం పట్టకుండా ధాన్యం పండుతుందా?
ఏది వారికి  *కౌలు బంధు పధకం?*

అడ్డ కూలీలు శ్రామికులు కారా 
వారు ఉండడానికి కనీసం గుడిసె లేదే
వారు లేకుండా ఆకాశ హార్మ్యాలు సాధ్యమా?

ఏది వారికి *అడ్డ కూలి బంధు పధకం?*

కంపనీలలో కార్మికులు శ్రమ జీవులు కారా 
ఎప్పుడు ఊడుతుందో తెలియని ధీన స్థితి 
వారు లేకుండా ఉత్పత్తి జరుగుతుందా?
ఏదీ వారికి  *కార్మిక బంధు పధకం?*

చిల్లర వ్యాపారులు శ్రమ జీవులు కారా 
మాల్స్ డిమార్ట్ మెట్రో షాప్ లు
ఆన్లైన్ బిజినెస్ లు వచ్చాకా 
రోడ్డున పడ్డ వారు శ్రామికులు కారా 
వారు లేకుండా జనులు జీవించ గలరా?
ఏది వారికి  *చిల్లర వ్యాపారుల బంధు పధకం?*

గౌడ కురుమ పద్మశాలి గొల్ల బెస్త దోబీ
బ్రాహ్మణ నాయిబ్రాహ్మణ బహుజన వైష్ణవులు 
అయ్యవారులు కంసాలి  వడ్రంగి బహుజన
ఇతర వృత్తుల వారు  శ్రామికులు కారా 
భూస్వాములుపై ఆదాయ పన్నులు లేవు
వృత్తుల వారి ఆదాయాలపై పన్నులా?
వారు లేకుడా సమాజం మనుగడ సాగిస్తుందా ?
ఏది వారికి ఆయా *వృత్తుల బంధు పధకాలు?*

నిద్ర ఆహారాలులేకుండా భార్యా పిల్లల విడిచి
కొండలలో లోయలలో ఎడారులలో ఉంటూ
దేశాన్ని రక్షిస్తున్న సైనికులు శ్రామికులు కారా 
నాయకుల ఆదాయాలపై పన్నులు ఉండవు
సైనికుల ఆదాయాలపై పన్నులా?
సైనికులే లేకుండా ఈ ఆపరేషన్ సింధూర్ జరిగేదా
ఏది వారికి *సైనిక బంధు పధకం?*

ప్రతి ఒక్కరి సేవలు సమాజానికి అవసరమే
ప్రజాస్వామ్య దేశంలో రాజకీయాలదే కీలక భూమిక
ఆలోచించాలి నేతలు ఆలోచించాలి మేధావులు 
పాలకప్రతిపక్షాలు ఓటు బ్యాంకు రాజకీయాలకు 
విభజించి పాలించు విధానాలకు స్వస్తి పలకాలి 
ప్రభుత్వాలు నవనవోన్మేషంగా ఆలోచించాలి 
నవసమాజ నిర్మాణానికి కృషి చేయాలి!