ఉంటుంది కారణం

అంశం: *నీతో నేను*

శీర్షిక: *ఉంటుంది కారణం*

సృష్టి విచిత్రం
శాశ్వితం ఈ విశ్వం
సూర్యచంద్రులున్నంతకాలం
దేనిని మరువదు , వదులదు సాహిత్యం!

భూ భ్రమణానికైనా
భూ పరిభ్రమణానికైనా
ఎండకైనా వెన్నెలకైనా
ఉంటుంది కారణం

నీతో నేను అన్నట్లు 
భూమి తన చట్టూ తాను
సూర్యుని చుట్టూ తిరుగడాలు!!

సముద్రాల ఆటుపోటులకు
నదులకు ఝరుల పొంగులకూ
ఉంటుంది కారణం

నీతో నేను అన్నట్లు 
పౌర్ణమి అమావాస్యలు
కాలాలో ఋతువుల మార్పులు!

సముద్రాలలో
సుడి గుండాలకైనా
నదులలో వలయాలకైనా
ఉంటుంది కారణం!

సమాజంలో
సమస్యలకైనా
ఆకలి కేకలకైనా
ఆనందోత్సాహాలకైనా
ఉంటుంది కారణం!

వస్తువు
కదులాలన్నా
నీరు పారాలన్నా
మనిషి నడవాలన్నా
కారణం ఉంటుంది!

కన్నీరు కైనా
కారణముంటుంది

నీతో నేను అన్నట్లు 
మనసు బాధతో నిండుకున్నపుడు
గుండె బరువెక్కి
ద్రవ రూపంలో
కంటి నుండి కారేది కన్నీరు!

ఆనంద భాష్పాలకు
కారణముంటుంది

నీతో నేను అన్నట్లు 
మనసు అధిక ఆనందంతో నిండినపుడు
పెల్లుబుకుతూ
కంటి నుండి కారే నీరే
ఆనంద బాష్పాలు!

మంటతో  కారే నీటికి
కారణం ఉంటుంది
వర్షంలో తడిచినపుడు
కారే నీటికి కారణముంటుంది!

కారణం లేకుండా వచ్చేది
కన్నీరు కాదు అది కేవలం నీరు!