అంశం:తత్త్వ గీతాలు
శీర్షిక: నాదీ నాదీ అని అంటావూ..
పల్లవి:
నాదీ నాదీ అని అంటావూ ....
నాదే అంతా అనీ.. భ్రమ పడుతావూ ...
నాదీ నీదీ ఏదీ లేదు నరుడా ...
నాలుగు రోజులు ఇచట ....
బ్రతక వచ్చాము మనమూ గురుడా... "నాదీ"
చరణం:01
ఎంత సంపాదించినా...
ఎంత కూడ బెట్టినా...
వెంటేమీ తీసుకుని పోలేవు నరుడా
ఏ సంపదైననూ ఇక్కడే
విడిచి పోవాలీ గురుడా "నాదీ"
చరణం:02
బంధు మిత్రులంటావూ....
భార్యా పిల్లలని భ్రమ పడుతావూ....
శ్వాస ఆగిన రోజు నరుడా...
భార్యా పిల్లలు ఎవరూ...
తాకను గూడా రారు గురుడా..... "నాదీ"
చరణం:03
ఉన్న దాంతో తృప్తి పడుతూ....
కొంత నైనా దానం చేస్తూ....
నలుగురితోనైన కలిసుండు నరుడా...
కాటికి పోయే రోజు వారే...
గుర్తుపెట్టుకుని మోస్తారు గురుడా...... "నాదీ"
No comments:
Post a Comment