వృద్ధాప్య దశ

అంశం:ఒంటరి తనం

శీర్షిక: వృద్ధాప్య దశ

మనిషి ఎదుగు తుంటే ఒదిగి ఉండాలి
వయసు పెరుగుతుంటే అనిగి ఉండాలి
ఒంటరి తనాన్ని /వృద్ధాప్యాన్ని
ఎవరూ తప్పించు కోలేరు!

వృద్ధాప్య దశలో చేతిలో అధికారం ఉండదు
చేతిలో డబ్బూ , హోదా ఉండదు
ఉన్నా  వారు బ్యాంకుకూ వెళ్ళలేరు
ఉన్నా కొందరు సంపద అనుభవించలేరు
చెబుతే వినే వారు ఎవరూ ఉండరు
గౌరవించే వారు దరిదాపున కనబడరు!

కోపాలు ,తాపాలు , అహం ఈర్ష్య అసూయ 
స్వార్ధం , నియంతృత్వం  విడనాాలి
అడుగ కుండా సలహాలు ఎవరికీ ఇవ్వకూడదు
చాడీలు ,విమర్శలు చేయకూడదు!

అందరితో కలుపు గోలుగా మెలగాలి
ఏదో ఒక మంచి వ్యాపకంలో సేద తీరాలి
అవకాశముంటే దాన ధర్మాలు చేయవచ్చు
చేతనైతే సేవా కార్యక్రమాలు చేపట్టవచ్చు
*ఒంటరి తనాన్ని జయించడానికి*
*ప్రశాంత ఒక్కటే మార్గం*