వార్ధక్యపు ఇక్కట్లు P

నేటి అంశం - *వార్ధక్యపు ఇక్కట్లు*

శీర్షిక: *వార్ధక్యం వయసుకే కానీ మనసుకు కాదు*

*బావిలో నీరు ఎండినప్పుడు పెంకులు బయటపడినట్లు* 
వృద్ధాప్య దశలో రోగ నిరోధక శక్తి తగ్గిపోయి
అప్పటి వరకు దాగి ఉన్న రోగాలన్నీ  
ఒక్కొక్కటిగా బయటపడు! 

ముసలితనంలో చేతిలో అధికారం శూన్యం
ఆదాయ మార్గాలు అగమ్యగోచరం
డబ్బూ హోదా దర్పం మటుమాయం
సంపద ఉన్నా అనుభవించలేని తరుణం!

ప్రేమతో పెంచిన పిల్లలు దూరమైనా
దగ్గరగా ఉన్న వారు చూసినా చూడకపోయినా
చివరి దశలో భాగస్వామి విడిచి వెళ్ళినా
అంతిమ దశ వరకు ఆస్తులు ఎవరిచేతిలో పెట్టకు!

వృద్ధాప్య దశలో పూర్వవైభవాలు మరిచి 
కోపాలు తాపాలు అహం ఈర్ష్య అసూయ 
స్వార్ధం  నియంతృత్వం  ఇగోలను వదిలి
అందరితో ప్రేమగా ఉండటం అలవర్చుకో!

వార్ధక్యం వయసుకే కానీ మనసుకు కాదు
*ఎనుబైవ ఏట అమితాబ్ జీరో నుండి హీరో అయిన విషయం మరువకు*
ఏదైన ఇష్టమైన వ్యాపకం ఎంచుకో!

షేక్స్పియర్ అన్నట్లు  *వార్ధక్యాన్ని జయించడానికి మనోబలాన్ని పెంచుకో*
*ఆశలు కోరికలు వదిలేయ్ విజయం నీదే*