నాడు నేడు సంసారం

అంశం: నాడు నేడు సంసారం 

శీర్షిక: నాడు - నేడు మానవ జీవితాలు 

*నాడు* పెళ్ళంటే నూరేళ్ళ పంటగా

భావించేవారు 

*నేడు* పెళ్ళంటే నూరేళ్ళ తంటగా 

భావిస్తున్నారు!

*నాడు* పద్దెనిమిది యేళ్ళు దాటుతే 

వివాహం చేయాలనే వారు 

*నేడు* ముప్పది యేండ్లు దాటినా 

వివాహం వద్దనుకుంటున్నారు!

*నాడు* సంసారాలు అనేవి ఓ నిశీలో జరిగేవి

జీవితాలు వెలుగులో ఉండేవి

*నేడు* సంసారాలు వెలుగు లోకి వచ్చాయి  

జీవితాలు చీకట్లో మగ్గుతున్నాయి!

*నాడు* కప్పుకొన్న రహస్య శరీరభాగాలు 

*నేడు*  బహిరంగంగా చూపిస్తున్నారు 

*నాడు* చూపించాల్సిన దయార్ద్ర హృదయాలు

*నేడు* అహంకారంతో కప్పేస్తున్నారు!

*నాడు* సభ్యులకు కష్టమొస్తే

కుటుంబంలోని పెద్దలు ధైర్యం చెప్పేవారు 

*నేడు* కొన్ని కుటుంబాలలో కలహాలకు 

పెద్దలే కారణం మవుతున్నారు!

*నాడు* జీవించడానికి 

శ్రమించి సంపాదించే వాళ్ళు

*నేడు* కదల కుండా కూర్చుని సంపాదిస్తూ 

తిన్నది అరగడానికి వాకింగ్ జాగింగ్ చేస్తున్నారు

*నాడు* పండ్లు, పాలు తిని త్రాగి

బలంగా అధికమందిని కని పెంచేవారు

*నేడు*  సంసారం చేయడానికే 

మందులు మింగినా పిల్లలు కావడం లేదు!

*నాడు *వైద్యులు 

ఇల్లిల్లూ తిరిగి వైద్యం చేసేవారు

జిందాతిలస్మాత్  కే జబ్బులు తగ్గేవి

*నేడు*  తలకాయనొప్పికే 

లక్షల అప్పు చేయాల్సి వస్తుంది!

*నాడు* మంచి చెడులు

పది మందిలో కూర్చుని మాట్లాడుకునే వారు 

ప్రశాంతంగా జీవించే వారు

*నేడు* దేనికైననూ 

గూగులమ్మనే అడుగుతున్నారు 

చరవాణి లోనే మునిగి పోతున్నారు

ఆరోగ్యం పాడు చేసుకుంటున్నారు!

*నాడు* దొంగలు రాత్రిళ్లు 

నట్టింట్లో దోచుకెళ్ళేవారు

*నేడు* దొంగలు పట్టపగలు దొరల్లాగా 

నెట్టింట్లో దోచేస్తున్నారు.